【Dada 教你做瑜珈（下集）】簡易拉筋教學 輕鬆舒緩臀腿痠痛！
請Like我哋個Page：
陳靜Dada最近努力修身，變身馬甲線女神！除咗成日做HIIT消耗熱量之外，Dada都會做瑜珈放鬆返繃緊嘅肌肉！上次Dada教咗大家點樣舒展肩頸，相信對於成日對住電腦嘅大家都好有幫助。而今次佢就準備咗一套針對臀腿嘅拉筋動作，想學就記住睇埋落去啦～
首先跪喺墊上面，十隻手指撳喺地下，先做下狗式。注意腳掌要踩實，臀部向後推高，之後將右腳抬起再慢慢平放，小腿外側平放喺墊上面，放喺心口下方，後面嘅腳平放。呢個時候應該會感覺到前腳嘅伸展，可以再加埋雙手合十、或者向上，如果柔軟度較高，仲可以挑戰向前伸展。
完成之後就可以換邊，先慢慢用左腳釘落地，十隻手指推返自己起身，雙腳踩實，返返去下狗式。之後再抬起另外一隻腳，重覆將小腿外側放喺心口下方嘅動作，後面嘅腳平放，同樣保持雙手合十或者向上提高，留意盤骨要保持喺中間，坐實地下。
Dada都提醒大家，因為每個人嘅身體條件唔同，就算做唔到都唔代表唔好，慢慢嘗試就好可以！如果想知道Dada更多健康心得，就要記住留意最新一期 中醫‧生活 啦！
請Like我哋個Page：
Leave a Comment