【你買唔買？】「七師傅」七仙羽簽名閃卡Carousell賣$3500一張！七師傅：我嘅簽名原來咁值錢！

 

請Like我哋個Page：

生活提案事務所 Lifenews HK

風水師傅七仙羽早前出演ViuTV節目《七救星》爆紅，爆笑「閃電七連鞭」固然經典，「師傅愛你」亦都成為唔少人嘅口頭禪。近日就有人趁住七師傅人氣高企，喺Carousell放出自稱「人氣真跡簽名限量版」嘅七師傅簽名閃卡，盛惠$3500一張！唔知係咪真係賣得出呢？

閃卡上面嘅師傅戴起黑超，攬住得意狗狗，笑容燦爛，仲印有「師傅愛你」嘅經典語錄，都幾有收藏價值！賣家仲話張卡已經過開光，可以提升人緣同健康，養寵物嘅仲可以「提升寵物健康同可愛」，而親筆簽名版閃卡非常罕有，全港只有16張，唔怪得賣咁貴啦～

（圖片來源：七仙羽 @Facebook）

七師傅本人都喺Facebook發文回應，話原來自己嘅簽名咁值錢，仲話連自己都冇呢張閃卡！七味粉們都紛紛留言支持，曬出珍藏簽名閃卡，話係無價之寶，仲有網民話「好快叫到三萬五」！其實師傅已經準備開拍《七救星2》，仲會拍古天樂投資嘅新戲，進軍大銀幕。新作品面世之後，相信師傅人氣一定會再上升，到時可能真係要3萬5先買到師傅簽名啦。 

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！