【文青打卡必去熱點】深水埗全新Café提供非一般主食 泰式船麵有驚喜！

 

深水埗而家越開越多打卡Café，每間都有不同特色，最近喺楓樹街同大南街交界就新開咗間以木系為裝修主題嘅Café！新開嘅Buff不苦除咗有一般Café 都有嘅西式多士同咖啡之外，仲有泰式主食同飲品供應！例如冬蔭功海鮮炒飯配泰式蝦餅同泰北風味船麵，小編試嘅船麵好有驚喜，配埋Thai Tea Mix真係好似去咗泰國咁！

 

船麵配有豬肉丸、炸豬皮、肉片、通菜等等配菜，十分之豐富。湯底帶甜同香料味，好飲到小編飲左半碗！同埋份量好足，女生們可能要Share食。

 

脆烘蝦芝士厚吐司裡面係蝦膠，上面鋪滿烘溶咗嘅芝士，芝士控一定唔可以錯過！吐司烘得外脆內軟，蝦膠嘅蝦味濃郁，唔會比芝士味蓋過晒鮮味，減緊肥嘅小編都抵抗唔到呢個誘惑，一啖接一啖！

 

除咗吐司同泰式主食，仲有日式唐揚雞肉配溫泉蛋定食，偏愛日式定食嘅話都可以一試！

 

Buff 不苦

地址：深水埗楓樹街5A號地下