【七師傅養生妙法 堅持每日早起念經？ 】七師傅（七仙羽）分享消除疲勞小貼士！

 

請Like我哋個Page：

生活提案事務所 Lifenews HK

七師傅（七仙羽）憑住Viu TV節目《七救星》人氣急升，一招「閃電七連鞭」更加係街知巷聞。如果你以為師傅只係識搞笑，咁就錯啦，其實師傅喺健康方面都好有研究。佢透露自己自細身體唔好，所以特別留意好多養生知識，經過多年自學，身體都變得越嚟越好。

師傅提到，自己因為工作關係比較夜瞓，但係每日都會早起念經。念經係佢長期喺印度同尼泊爾修行，所養成嘅習慣，佢堅持食完早餐之後一定會念經，之後就會覆下大家嘅Facebook訊息。

師傅亦都特意教大家三個養生健康嘅小動作，就算坐喺寫字樓都可以做。首先，如果周身骨痛同好攰，可以按下耳仔，按完耳仔會覺得面色紅潤同血液循環加速，師傅仲話按摩100下就等於全身按摩嘅功效！

第二個動作就係互疊兩個拳頭，師傅話咁樣可以舒緩頸椎酸痛，對於成日睇手機電腦嘅大家好有幫助。而第三個就係手指交叉嘅按摩，可以令心臟更強健。佢仲提議大家喺下午3點至5點拍下自己嘅腰，因為喺呢段時間刺激腎臟位置，會對健康有益。

聽完師傅嘅教導，真係好想即刻跟住做！不過每個人體質唔同，如果唔肯定呢三個動作適唔適合自己，就最好請教下中醫師先好做～如果想知道更多七師傅嘅健康心得，就要留意住LifenewsHK同今期中醫生活啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！