【神徒必睇！】 教主 Anson Lo 「處男」電影即擔正 《假冒女團》下月底上映 有望競逐金像獎新演員？

 

請Like我哋個Page：

生活提案事務所 Lifenews HK

教主最近頻頻有新作品面世，佢喺上個月推出嘅跳唱新歌《Megahit》大獲好評，下個月亦都會有新綜藝《神的女主角》開播，神徒們唔使怕冇嘢睇～不過大家最期待嘅，都係Anson Lo嘅首套電影《假冒女團》。Anson Lo第一次登上大銀幕已經擔正主演，聯同Chloe So（蘇皓兒）、陳紫萱、Heidi（李靜儀）同Alina（李炘頤）4個青春靚女，一齊上演有關追夢嘅爆笑喜劇！

（圖片來源：假冒女團 @Facebook）

根據官方劇情簡介，教主飾演嘅雷紫荊，曾經係「國際保障未成年少男少女身心健康發展協會」嘅會員，因事被革職後，重新回到協會，調查選秀活動有冇壓榨青少年。機緣巧合之下，娛樂記者夏日葵（蘇皓兒）、九線歌手白百合（李靜儀）同埋想解救堂妹元萱（陳紫萱）的元螢（李炘頣）組成假冒女團參賽，引發連串故事。

（圖片來源：假冒女團 @Facebook）

預告片入面，一開始已經見到教主疑似被摑，塊面有勁大個手掌印，之後就可以見到教主著住道士袍熱舞，仲有非常肉緊嘅武打場面，相信神徒們都非常好奇，好想快啲睇到足本版！電影將會喺11月25號上映，仍然有機會入圍2021年嘅金像獎。唔知教主有冇可能憑《假冒女團》，奪得最佳新演員嘅殊榮呢？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！