【完成壯舉！】梁祖堯主演舞台劇《回憶的香港》受颱風影響 焗住一日連演4場！事後IG發文：應該會記一世 軒仔到場支持⁨

 

請Like我哋個Page：

生活提案事務所 Lifenews HK

上星期颱風一個接一個，「圓規」接住「獅子山」，令到唔少打工仔都享受到風假，但亦都有唔少原定周末舉行嘅活動，因為颱風被逼取消。其中由梁祖堯、湯駿業 、邵美君同彭秀慧主演嘅舞台劇《回憶的香港》，原定上星期六日共演4場騷，但星期六嘅2場就撞正「獅子山」，無辦法順利演出，令到唔少買咗飛嘅觀眾都覺得好失望。

但係劇組並冇因此被打低，梁祖堯喺星期六當晚發文，話「世上冇嘢可以阻擋到我哋繼續演出嘅決心！」，又形容台前幕後一齊落咗一個瘋狂嘅決定。隨後劇組就宣布會喺星期日即刻補場，即係一日連演4場，由朝早11點直落到夜晚10點半！真係聽到都覺得辛苦！

（圖片來源：Instagram @pumpkinjojoinstagram）

劇組咁落力，有唔少藝人朋友都到場支持，其中軒仔（張敬軒）就大讚表演感人，令佢諗起好多童年嘅美好回憶，又佩服演員們連演4場嘅決定，話「佢哋成班人係癲嘅」。梁祖堯事後都有喺IG發文，話一日四場嘅經驗難忘，「應該會記一世」，又透露演完第二日已經要返去《全民造星IV》嘅排練，網民們都覺得心痛，紛紛留言叫佢休息多啲。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！