【ViuTV下星期首播】姜濤主演《超感應學園》 第一集已經有睇頭！

 

請Like我哋個Page：

生活提案事務所 Lifenews HK

 

ViuTV將會喺下星期一開始播放同台灣八大電視台合拍、由MIRROR成員姜濤主演嘅《超感應學園》。呢套劇集係屬於驚悚嘅校園劇，但當中都有感動同喜劇嘅元素，真係令人好期待！另外，Anson Lo都會有份出演劇集，所以神徒同埋姜糖們一定唔可以錯過！小編仲知道，第一集已經十分有睇頭！

 

喺戲入面，姜濤飾演「西多士」，係一個乜都話OK，有求必應嘅大學電影社社長，同飾演「超自然感應社」社長嘅蔡凡熙同埋飾演「方小路」嘅劉奕兒一齊幫助死咗但依然好執著人間某啲事情嘅鬼魂，等佢哋可以安心投胎。

 

圖片來源：八大電視台IG

姜濤一直都好保守，唔會輕易露肉。但喺第一集，「西多士」已經有長達兩分鐘嘅出浴戲！雖然只係露出膊頭同手臂，但都係十分難得！

 

不過姜糖們就要有心理準備，因為「西多士」同女主角「方小路」係有感情線，仲會喺戲入面同女主角表白。

 

另外，《超感應學園》嘅片尾曲《愛不作聲》係由姜濤同埋Anson Lo合唱，喺Youtube已經有得喺套戲播放前搶先聽！鏡粉們未聽就記得快啲去聽啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！