【 幫緊你應援團 】 ViuTV全新節目 Mirror三子齊齊幫人圓夢

ViuTV又有新節目開鑼啦，今次新節目叫做「幫緊低應援團」。由Mirror成員楊樂文（Lokman)、邱傲然(Tiger)、王智德(Alton)以及岑樂怡(阿妺）組成一班應援團，並進行唔同嘉賓嘅委託，為主角完成夢想。 

 最新一集就係請咗一位媽媽級嘅「鏡粉」，Catherine。佢同佢嘅仔女都一樣係Mirror嘅忠實粉絲。Catherine就係Jer(柳應廷)嘅粉絲，而仔女就分別鐘意AK(江𤒹生)同Jeremy(李駿傑）。為咗追星，媽媽Catherine仲加入咗「粉絲媽媽團」，平日送完小朋友返到學校後，自己再揸車去匯合其他媽咪去參加Mirror活動。

而應援團就諗咗一個方法去俾驚喜呢位單親媽媽同仔女，就係「假錄影，真驚喜」。首先，佢哋就先叫媽媽團成員同小朋友齊齊學跳舞拍片俾Mirror，然後節目組再安排喺錄影當日，叫Mirror成員AK、Tiger同Alton神秘現身，俾咁多位成員一個驚喜。結果，大家見到三子就緊係喜出望外，而Mirror三位成員仲送咗Mirror全員嘅親筆簽名box set加生啤公仔俾Catherine同佢小朋友，三個人收到禮物都開心到喊咗出嚟。 身為「鐵粉」嘅Catherine曾經係節目講過，無諗過因為追星，反而仲同仔女關係close咗，囡囡仲願意主動同媽咪分享心事，以及佢追星嘅趣事。Mirror成員聽完後就表示，「我哋嘅責任唔係咁簡單，我哋有好多存在原因，原來生命真係可以影響生命。」 

 一個咁有意義嘅節目，你又點可以錯過，第二集將會喺星期四夜晚11點ViuTV 99台播放，大家記住準時收睇喇！