【新一季正式開鑼】 #ViuTV 公開《 #全民造星IV 》96強入圍選手 一齊睇有邊啲有潛質女生入圍！
請Like我哋個Page：
經過一輪面試，ViuTV終於都公開咗入圍嘅96強選手，當中當然不乏美女，例如歐陽巧瑩嘅細妹歐陽巧霖同193細妹郭嘉盈，都係典型嘅大眼可愛型美女。咁多選手之中亦都有人係相當有個人特色同性格！我哋一齊嚟睇下有邊幾個非主流美女最令人有印象！
1. 11號 鍾君珩 (Dru)
睇相已經見到11號選手Dru有幾型，同其他行可愛或者性感路線嘅女仔唔一樣，佢霸氣嘅眼神同Cool爆嘅表情已經成功俘擄咗一班女觀眾。
有網民留言ViuTV好識揀人同埋夠晒突出，令人聯想起韓國女團f(x)成員Amber，而Amber正正係走短髮、爽朗同陽光嘅路線。
2. 22號 林暐翹 (暐翹)
呢位選手似乎都係走型格路線，鮮橙色嘅頭髮同清爽嘅短髮令人留低好深刻嘅印象。但就有人表示佢個樣比較成熟，睇落唔似19歲。
不過都有網民大讚呢位選手跳舞好好睇同埋其實暐翹嘅五官都唔差，只要換一換造型相信會好好多。
3. 21號 謝裕鈴 (Ling)
今次參加比賽嘅多數都係廿歲出頭嘅後生少艾，甚至有得十六歲嘅小妹妹參賽，而39歲嘅Ling就相對上比較成熟。
網民話佢唔單止個名同Dodo姐似，連個樣都有幾分似年輕時期嘅Dodo姐，仲放埋Dodo姐後生嘅相出嚟做對比，原來Dodo姐後生嘅時候都好靚好吸引㗎！而小編就覺得Ling仲帶有少許天后王菲嘅感覺，型得嚟又帶點獨特嘅味道！
4. 34號 黃斯琪 (CK)
有好多網民都紛紛留言表示張相好朦，朦到以為未Load到，仲有人Quote埋麥浚龍《濛》嘅歌詞出嚟，去表達呢張相到底有幾咁睇唔清選手個樣！
雖然張相朦就朦咗啲，但其實都睇得出CK係個非主流嘅型格美女嚟嘅，從佢手上嘅黑白寫實風紋身就知道CK係一個有個性嘅女仔啦！
所有圖片來源: FB@ViuTV
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment