【美妝提案】韓國化妝品牌紛紛推出新款眼影盤 女生必備TOP5
請Like我哋個Page：
等咗咁耐，秋天都終於準備來臨，但女生們，你哋為秋冬妝容準備好未？仲未入手新一季嘅妝品，唔知揀邊隻好？唔緊要！小編幫你精選咗頭5位最受一向緊貼潮流嘅韓國女生歡迎、連唔少化妝師都點名推薦嘅5款韓國化妝品牌眼影盤，比大家做個參考！
CLIO – Pro Eye Palette 11號
由韓國女團aespa代言嘅CLIO今季新推出咗秋冬眼影盤，人氣十分之高！眼影盤係根據顏色深淺去排列，所以化妝新手都唔洗怕。入面嘅珠光色係好貼服，唔會有珠片或者珠光跌落嚟嘅情況出現，令妝容保持完美。
Source : Olive Young 官網
WAKE MAKE – Soft Blurring Color Line Up #02
今次新推出嘅眼影盤，顏色帶粉又有秋冬感，而且粉末好細緻，既顯色又唔會過濃，新手都好啱用！就算疊搽都唔會太唔自然，要畫出零失敗眼妝冇難度。不過呢款眼影盤就冇珠光色，鍾意Bling Bling嘅女生們可能要加埋珠光眼影盤用啦。
ESPOIR – Real Eye Palette #Apricot Me
ESPOIR嘅唇膏顏色有幾靚都唔洗小編多提，今次佢哋出嘅眼影都一樣咁出眾！鍾意較出眾妝容嘅女生必備！入面嘅粉色唔會太浮誇，就算日常妝容用都可以！
DASIQUE – Shadow Palette #Milk Latte
有留意韓國美妝嘅女生們就知道，好多韓國美妝網紅都好鍾意用呢個牌子嘅眼影。小編推薦呢款Milk Latte眼影盤比所有皮膚白同鍾意珠光嘅女仔！眼影盤嘅顏色都偏溫暖同明亮，顯色度高，而且顏色顯白！
PERIPERI All Take Mood Technique
Palette #03
呢個眼影盤除咗可以當眼影用，連胭脂同陰影、甚至眉筆都集於一身！珠光色十分之出色，佢嘅顆粒比較大，貼服度十分高，啱晒想化華麗眼妝嘅女生。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment