【聲大就惡晒？】食客Lamma Lamma投訴牛角和牛質素欠佳，老闆出Post反擊！揭惡客借會員卡！

 

請Like我哋個Page：

生活提案事務所 Lifenews HK

 

呢位網民Lamma Lamma喺琴晚食完牛角，上「香港自助餐及放題集中討論區 hk buffet group」投訴兩樣嘢，分別係和牛同雪糕嘅質素，仲要inbox畀牛角老闆黃傑龍。牛角老闆即刻調查事件，仲翻睇番CCTV，講番另一個版本出嚟，其他網民好多都轉風向幫老闆！點解會咁，不如我哋睇下事件嘅來龍去脈！

投訴人聲稱和牛嘅質素唔符合佢預期，比咗每人900幾諗住食LV5嘅日本和牛，點知質素就似300幾蚊嘅LV2放題，食落好韌，於是就搵經理嚟，仲話投訴完先肯拎兩碟靚牛出嚟！

牛角老闆知道咗呢件事之後就立即追查發生咩事，睇返CCTV、電腦紀錄同從員工、客人嘅口供，又講咗另一個版本出嚟！佢話網民影出嚟嘅相入面，本來圓碟係冇「A5和牛」嗰張紙牌，但後尾又唔知點解喺出晒血水嗰碟肉有張「A5和牛」紙牌。原來圓碟嘅牛係客人揀嗰個Level可以選擇嘅不同肉類，一嚟到就會上枱比客人體驗下嗰一個Level可以點選嘅肉類有乜嘢唔同。牛肉早早就嚟到，呢位網民放喺枱面唔食，放成兩個鐘血水都出埋，再放喺新鮮上枱嘅和牛隔離影對比照，好似對牛角唔太公平。

呢位客人話啲雪糕溶晒，仲質疑會唔會食壞人，老闆就發現客人將雪糕放喺火爐隔離，仲投訴啲雪糕溶晒，員工就問客人係咪本身就係咁，係客人自己親口話唔係，如果係就唔會加啲朱古力豆上去。不過員工都好好，幫呢位客人重新唧過兩杯，交返比客人嘅時候都好靚好正常，仲食晒兩杯。點知客人都仲喺Post投訴呢點！

呢位客人埋單嘅時候同店方理論，最後搞到成12點，員工喺心理壓力下退返$878現金佢。以為件事會告一段落，點知客人轉頭上網出Post話牛角係黑店，聲稱自己第一次去牛角但又有會員卡。

 圖片來源: Facebook@黃傑龍 Simon - 窮富翁 好人好事

最後其他網民懷疑呢位客人係喺Carousell上借卡並通知老闆，老闆因此根據會員使用條款寫明係禁止租借或者轉讓，所以老闆已經直接凍結/取消呢張借返嚟嘅會員卡。唔知大家又撐邊個呢?

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！