【韓劇迷】韓媒點名三大明日之星 全部嚟自Netflix大熱劇「Sweet Home」

 

請Like我哋個Page：

生活提案事務所 Lifenews HK

到底韓劇嘅明日之星有邊幾個呢？韓國傳媒今次就選出咗三位2021年上半年最令人期待嘅明日之星，而呢三位都有份出演Netflix人氣劇 「Sweet home」，小編就同大家一齊睇下有邊三位啦。

1.高允貞

今年25歲嘅高允貞，一出道就有「小全智賢」之稱，勇敢承認自己整過容嘅佢，反而因為其勇敢誠實一點而更受大眾歡迎。而喺「Sweet Home」中飾演朴宥莉嘅佢，劇中角色大受好評，憑住呢套劇而知名度大增，相信嚟緊都會有更多作品推出，傳媒都對佢期望甚高。

2.高旻示

同高允貞一樣，高旻示都係憑「Sweet Home」而爆紅。擁有清純臉蛋嘅佢，自2016年起就獲邀拍過眾多人氣韓劇，就好似話「加油吧威基基」及「喜歡的話請響鈴」。因為連續拍咗多套Netflix製作嘅劇集，所以都有人會稱佢為「Netflix的女兒」，相信遲啲大家都會喺Netflix睇到更多佢嘅作品。

3.宋江

只有27歲嘅宋江，係一個名副其實嘅「小鮮肉」。經常飾演校園男神嘅佢，由「喜歡的話請響鈴」到「Sweet Home」，以及最新作品「無法抗拒的他」，佢都將角色飾演得非常到位，演技出色。對於被韓媒選為明日之星，佢表示非常感激，並會喺以後會用更好嘅演技及作品去回饋劇迷。

 

圖片來源:IG@songkang_b,gominsi,goyunjung


請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！