【 女神結婚 】 Lily Collins美國秘密婚禮 正式升格人妻

 

請Like我哋個Page：

生活提案事務所 Lifenews HK

女神Lily Collins終於結婚啦！今年32歲嘅Lily Collins 喺4/9同導演男友Charlie McDowell秘密地舉辦婚禮，正式升格為人妻！ Lily Collins與Charlie McDowell兩人於2019年公開戀情，並喺一年後，正式訂婚。Lily Collins今次選擇喺Instagram上公佈其結婚消息，而且佢仲發佈咗三張絕美婚紗照，而且喺相下留甜蜜字句：「我們正式成為彼此的永遠。我愛你勝過一切。」

 提到Lily Collins，又點可以唔提佢嘅代表作Emily in Paris「艾蜜莉在巴黎」，從Netflix上架後旋即大受歡迎，Lily Collins喺劇中飾演嚟自美國並充滿正能量嘅Emily，由於公司調配關係，Emily需要由美國前往法國工作，卻因為文化上嘅不同，Emily同法國同事及上司產生磨擦。不過正面又鬼主意多多嘅Emily卻一次又一次將上司派畀佢嘅刁難任務完成，令到成公司嘅人都對佢大跌眼鏡，並且開始鐘意呢位「美國女孩」。 呢套劇咁受歡迎嘅原因除咗因為劇情勵志又搞笑，仲有眾多追劇迷都留意到Emily喺劇中著嘅衫。該劇受到眾多一線精品服裝品牌贊助，好多劇迷睇完套劇後直接喺品牌網站上將Emily成套衫買落嚟，並且模仿佢喺劇中嘅造型。

除咗呢套劇外，Emily另外都有拍過眾多電影，就好似「Rules Don’t Apply」及「Mirror Mirror」。而Lily Collins喺「Mirror Mirror」入面飾演嘅白雪公主曾被提名為青少年票選獎必選電影女主角，更憑「Rules Don’t Apply」獲提名金球獎最佳音獎及喜劇類電影女主角。鐘意Lily Collins嘅你，記住睇埋呢兩套電影啦！ 最後小編喺度同大家講個好消息，就係「Emily in Paris」第二集喺今年八月就已經殺青啦，大家等咗咁耐嘅續集好快就有得睇。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！