【劍神轉型？】張家朗成為Dior香港新任品牌大使 公布全黑打扮型格Look 一改鄰家大男孩形象！
請Like我哋個Page：
「193劍神」張家朗喺東京奧運勇奪花劍金牌，為港爭光之後人氣急升，成為不少品牌嘅寵兒，其中一個就係Dior。Dior公布張家朗成為香港新任品牌大使之後，佢本人隨即公布一輯全黑造型照，著住Dior嘅全黑T-shirt為品牌宣傳，型格Look引來不少迴響！
身為精英運動員嘅張家朗平時都係簡單打扮，但今日就一反常態，喺Instagram Post咗一輯全黑造型照，仲喺caption寫上「I dare you to dream.」。相中嘅佢著住 Dior全黑T-shirt，頸戴搶眼銀鍊，眼神凌厲，髮型妝容都經過悉心打扮。對於佢嘅破格造型，網民都感到驚喜，但都有人覺得Dior化妝師太重手，畫得劍神條眉太粗，大讚佢唔化妝更加靚仔。
雖然今次造型唔係每人都識欣賞，但都絕對係張家朗係一大突破。相信成為咗品牌大使之後，一定會同品牌擦出更多火花，為公眾帶嚟更多驚喜。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment