【何韻詩個唱 】改日網上直播concert 重溫何韻詩三大金曲

 

請Like我哋個Page：

生活提案事務所 Lifenews HK

何韻詩最近係自己Facebook公佈因為場地問題而要取消自己九月份嘅演唱會！相信一眾買左演唱會飛嘅歌迷都對呢個消息感到非常失望。不過佢就補充「音樂是關不住的，還會繼續開唱」，自己將會係12/9夜晚8點改為舉行網上直播演唱會。

受到歌手梅艷芳嘅影響，何韻詩自細就立志成為梅姐一樣咁成功嘅藝人，再加上佢個人天賦及努力，年紀小小嘅佢就係新秀歌唱大賽中脫穎而出，得到冠軍及華星唱片公司賞識，正式出道成為歌手。

何韻詩曾經推出眾多大受好評嘅歌，就好似耳熟能詳嘅「勞斯·萊斯」、「化蝶」及「木紋」。小編就係呢度同大家重溫一下呢三首歌喇！

「勞斯·萊斯」- 勞斯•萊斯主要講述一段愛情。既可以係男女之間嘅愛情，又可以代入去同性之間嘅愛情。如果講嘅係男女之間嘅愛情，內容就係話一個女仔默默地係男孩身邊做佢嘅好朋友及「兄弟」。事實上，女仔係一直暗戀住呢個男仔，而事實上二人亦保持住一種曖昧關係，雖然同外界聲稱雙方係好朋友，但相處上早已超越友情。如果將呢首歌解讀為同性間嘅愛情，就會變成兩個男仔，因為怕世俗眼光而不敢承認彼此間感情，只能繼續收起內心感受，繼續做對方身邊嘅「密友」。

「化碟」-呢首歌同樣地都係由何韻詩伯樂，黃偉文所填詞，為舞台劇「梁祝下世傳奇」而寫下嘅插曲。歌中表達劇中戀人死后靈魂化成咗蝴蝶，超越宿命及生死嘅故事。歌詞優美地表達中國古代文學-「梁山伯與祝英台」嘅故事，經何韻詩演繹下，令呢首歌更加添咗多一份哀怨感！

「木紋」- 「分開簡單，抹去往事極難」呢兩句簡單歌詞，表達咗不少分手男女心聲。到底係講分手嘅同時，回憶又係咪如同自己口中所講一樣，將對方帶俾自己嘅回憶都一律放下忘記，定其實一直係自己腦海徘徊？ 從前二人一齊食過一餐又一餐嘅燭光晚餐，又可唔可以忘記？一幕又一幕嘅回憶，重現自己腦海。啱啱分手聽到呢首歌，內心真係百感交集，人同人之間嘅關係結束，但令人唔捨得嘅感受卻永遠都存在，非常有意思嘅一首歌及歌詞。

雖然阿詩取消咗九月嘅live concert ，不過大家依然可以聽返佢呢三首嘅代表作，或者可以等佢12號嘅網上演唱會，一齊去捧佢場！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！