【彈出又彈入】本來預計周末雙颱風襲港 李氏力場用念力令大家放假無望

 

請Like我哋個Page：

生活提案事務所 Lifenews HK

 

 

本身雙颱風康森同燦都預料會喺星期六、日會吹嚟香港，甚至周五已經會為香港帶嚟狂風暴雨，但以為可以放假嘅一眾打工仔們實在太天真！做咗咁多年香港人仲想嘗試挑戰李氏力場，颱風雖然都會進入香港800公里範圍，但睇天文台預計移動路徑，似乎都離香港遠咗些少。

 

圖片來源:天文台

圖片顯示，颱風係將會向台灣同呂宋海峽移動，而唔係向香港移動。雖然可能都會對香港天氣有影響，但暫時睇落未至於會為香港帶嚟8號風或以上。不過其實移動路徑有機會改變，市民都要記得繼續留意天氣嘅變化。

 

圖片來源:岑智明FB

前天文台台長岑智明琴日喺Facebook話燦都係超強颱風，可能會係今年最有威脅嘅颱風，正當大家都以為打得成，但隔幾個鐘佢又補多句「冇話對香港最有威脅，可以係對台灣或者福建最有威脅。」，真係好難捉摸啊！

 

 

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！