【地下鐵碰著黎姿？】 黎珈而（黎姿） 帶囡囡逼港鐵 網民大讚貼地親民！

 

請Like我哋個Page：

生活提案事務所 Lifenews HK

多數明星出入都有私家車接送，好少會搭公共交通工具，但係黎珈而（黎姿）就攬實囡囡一齊搭地鐵港島綫，之後仲PO相上IG！網民都大讚佢親民同平易近人，有認真網民更加憑住相入面嘅車站路綫圖，估佢喺中環站上車，仲話好想巧遇黎姿集郵！

黎姿最近搖身一變成為上市公司CEO，佢所持有嘅卓珈控股早前更獲美圖入股，相信身家都有唔少進帳。不過黎姿冇因為富貴就變得離地，琴日更加拖住囡囡搭地鐵，之後仲Post相上Instagram，Caption寫住「下一站_____？」，似乎係想人估佢去緊邊。網民都紛紛留言估答案，又讚佢好有勇氣、貼地親民！

其實黎姿已經唔係第一次搭公共交通工具，佢之前已經試過帶埋三個囡囡搭渡海小輪，畀囡囡認識維港兩邊嘅建築物，佢就靜靜欣賞風景，仲大讚香港風景「很美」，可以話係「貼地女神」！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！