【梁朝偉尚氣型出國際】五大梁朝偉必睇電影！有套戲得幾分鐘戲份？

 

請Like我哋個Page：

生活提案事務所 Lifenews HK

鍾意Marvel嘅你，見到有香港人出演呢個系列係唔係非常感動呢？而梁朝偉今次出演嘅文武更加畀外國人大讚𠻹，因為佢喺尚氣飾演嘅文武，並唔係一個淨係得個奸字嘅反派，當中仲有好多心路歷程，先會令佢一步一步成魔，觀眾都話佢演技好好呀！不過，其實佢又點止呢套戲先畀人讚吖，咁多年嚟佢實在拍過太多套好戲喇！一齊同大家盤點一下梁朝偉嘅5大好戲啦！

 

1.阿飛正傳

相信大家都以為梁朝偉喺每套戲都一定做主角，不過佢喺阿飛正傳入面其實得幾分鐘戲份！不過千祈唔好睇少呢幾分鐘，雖然入面冇對白得動作，但好多人話淨係呢幾分鐘都夠佢攞最佳男配角！而呢一場戲都開始咗周慕雲呢個角色，為之後幾套戲打定基礎！

 

2.花樣年華

梁朝偉嘅「憂鬱」形象就最令王家衛欣賞，而花樣年華入面嘅周慕雲就完美表達到呢個形象！當中亦都有人人都識嘅金句，例如「如果我有多張船飛，你會唔會同我一齊走」就係出自呢一套戲喇！

 

3.2046

周慕雲嘅故事仲未完！2046入面，梁朝偉就繼續飾演周慕雲！點解要同大家講呢套戲？因為王家衛就講過，自己覺得梁朝偉喺咁多套電影入面，做得最好就係2046！不過，王家衛嘅戲一向都唔易入口，而呢套參考《酒徒》嘅電影，要睇得明都唔容易！

 

4.東成西就

講咁多王家衛嘅戲，可能大家都覺得梁朝偉做夠Chok夠靚仔嘅戲就啱晒！但其實梁朝偉做笑片，係非常非常好笑！就好似東成西就入面咁，佢就飾演西毒歐陽鋒，而當中嘅孖潤腸Look真係經典中嘅經典！

 

5.無間道

無間道有咩咁出色？就係出色到連荷里活都要翻拍喇！而梁朝偉飾演嘅陳永仁，就將做臥底嘅種種矛盾完美表達出嚟！我諗陳永仁死嘅嗰一幕，都應該係香港電影經典之一喇！

 

你又鍾唔鍾意梁朝偉？你又最鍾意佢咩戲呢？一齊Comment下啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！