【神徒福利！】 教主AnsonLo盧瀚霆爆肌擔任 Calvin Klein 代言人 完美6嚿腹肌 + 強壯臂彎 神徒：要Call白車！

 

請Like我哋個Page：

生活提案事務所 Lifenews HK

琴日Calvin Klein喺Facebook宣布全新代言人，雖然相中人只係露出下半臉，但係神徒們都一眼認出佢就係教主 Anson Lo（盧瀚霆）！教主為咗今次代言半裸上陣，大騷6嚿冰塊腹肌、結實胸肌同手臂，微微解開牛仔褲釦，露出Calvin Klein招牌底褲邊，充滿性感魅力！

相片一出當然引來一眾忠粉瘋狂留言，多重性感Combo下，神徒們都嗌哂救命，話要Call白車，仲有老婆話「好快家變」！其中仲有粉絲搞笑留言，叫Calvin Klein及早預約教主碼頭廣告位。如果教主半裸代言相真係登陸尖沙咀，必然掀起新一股朝聖打卡熱潮！

Calvin Klein之後仲Post咗一條7秒嘅宣傳片，片入面教主加碼露出完美背肌，但就依然冇露正面，賣足關子！宣傳片Caption寫上「Coming soon...約定你，9月30日見證Calvin Klein為大家準備的限定驚喜禮遇。」預告9月30日會再有驚喜，神徒們千祈唔好錯過喇～

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！