【#特務肥姜】 #肥仔 #姜濤 合作新歌 二人化身Tom Cruise做特務

 

請Like我哋個Page：

生活提案事務所 Lifenews HK

今個夏天MIRROR唔單止喺廣告綜藝上方面大展拳腳，而且喺歌唱事業方面都一樣有新搞作。就喺7月至8月期間，個個禮拜都Keep住出新歌。而喺官方平台上面，公佈咗今日會推出「MIRROR夏日企劃」嘅壓軸新歌—姜濤 X ERROR肥仔（梁業）嘅《特務肥姜2.0》。 對於呢個組合，相信各位忠粉們都唔會感到太陌生！

三年前「全民造星」節目入面，姜濤同肥仔就曾經合作過，而兩個人仲幫自己改左個隊名叫《特務肥姜》！喺當時面對住眾多強勁對手下，兩人都可以衝出重圍，仲一齊殺入十強，可想而知，兩人合作嘅新歌有幾令人期待啦，而新出嘅新曲預告圖，就有兩人一紅一黑嘅造型Chok爆造型。

《特務肥姜2.0》嘅名字由來係嚟自兩人曾喺全民造星入面曾演唱嘅《特務J》。新歌主要圍繞住兩人做特務嘅事。歌曲旋律偏向輕快，歌詞詳細講兩人做特務時遇到嘅事同物，而且細心地描述特務特點，包括身手敏捷、衣著會有套標準西裝，並形容特務會似Tom Cruise 般有出色眼光。 「有我夠薑（姜）足以致肥」巧妙地將兩人個名都融入咗去句歌詞入面，「兩個世一，先叫傳奇」，呢句會唔會就講緊佢哋兩個會成為世界第一，成為樂壇上嘅傳奇呢？ 

 在歌曲尾端，更有兩人嘅RAP加埋入去，聽落非常順口兼洗腦，實屬驚喜位。相信遲啲推出嘅MV都一定相當精彩，各位老婆們可以聽住首歌頂住癮先！即日起各大串流平台都有得聽，仲唔快啲上去loop兼加入playlist？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！