【#popcatclick 大比拼！到底呢隻Game係點嚟？香港撳多幾百億下先第一？】

 

請Like我哋個Page：

生活提案事務所 Lifenews HK

 相信大家呢幾日都可能有玩過popcat click，喺部電腦前面瘋狂撳滑鼠，睇住隻貓貓係咁張開口真係好治癒！不過大家又知唔知其實呢隻貓係點嚟，而呢幾日比賽走勢又係點呢？

Popcat其實係嚟自Twitter㗎！呢隻貓咪嘅真名係叫做Oatmeal，而佢喺一條片入面向佢主人Xavier撒嬌，個口一開一合真係萌到爆！冇幾耐，Xavier將Oatmeal嘅片變咗做Gif圖，仲畀人Post咗上Reddit，結果佢就爆紅喇！而網友亦都將佢整咗做一個比賽，叫做popcat click，只要點一下隻貓貓，佢就會張開口發出Pop一聲，邊個地區Pop得最多就係冠軍！

最估唔到嘅係，比賽真係鬥得相當激烈，而家暫時係由泰國領先，總Click數係高達400幾億下！而第二嘅台灣已經畀泰國遠遠拋離，暫時係接近300億！至於香港成績都唔錯，暫時以接近10億下排名第13，而家平均每秒都有2000幾個Click！最最最估唔到係咩？就係連北韓都有1下嘅成績排名第尾，到底呢1下係邊個玩嘅呢？

不過，大家係唔係真係咁得閒，可以搞到全球有成千憶個Click呢？其實網上面都有好多Hack，只要開咗個Hack再開埋個網頁就會自動Click，所以話邊會真係慢慢同你玩吖！不過點都好，有時無聊冇嘢做上去玩幾下都過癮！大家都快啲上去一齊幫香港刷Click數啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！