【伍家朗開IG直播有咩講？】大讚對手危地馬拉老將Kevin Cordon值得入4強！帶走選手村棉被回港當紀念品！暢談選手村自助餐評價！

 

請Like我哋個Page：

生活提案事務所 Lifenews HK

 

琴日香港羽毛球一哥伍家朗喺Instagram 開直播，分享佢喺東京奧運嘅所見所聞，吸引咗超過1.2萬網民收睇。一講到奧運選手村，唔少人諗起早前被傳媒踢爆選手村嘅床係用紙板製造。有網民問伍家朗對呢件事嘅睇法，而伍家朗就話張床結實穩固，瞓得舒服，佢仲即時拎張印有「Tokyo 2020」嘅棉被出嚟分享，話呢張被好舒服，所以帶返去香港做紀念品。

一講到奧運選手村嘅自助餐，佢就話整體質素都OK。第一日入到餐廳仲覺得好正，可樂任飲，但佢為健康著想只係飲茶同埋果汁，自讚自己好乖𠻹。不過，留喺選手村耐咗，發現到呢間餐廳每日嘅菜式都一樣，表示食厭咗。

另外，佢有重提奧運男單出局戰，大讚34歲高齡危地馬拉對手Kevin Cordon嘅表現出色，伍家朗Feel到佢一上場就好有火，會好盡興叫。欣賞Kevin喺國家投放體育資源咁少嘅情況下，都堅持做運動員咁多年。話見住對手一場一場贏，真心替Kevin開心，形容呢位對手係一位有資格入4強嘅選手。

有唔少香港運動員北上參加全運會，伍家朗就表示自己唔會出席，打算留喺香港一段時間，畀自己去調整返心情，10月會再參加其他比賽。有人好奇全職運動員嘅薪金幾多，佢輕輕透露過運動員人工唔算高，但又未去到支付唔到自己嘅食飯錢。

雖然東京奧運完咗，但係唔好唔記得嚟緊8月24日仲有殘奧會，香港派出24名運動員出戰去衝擊獎牌，大家一齊為港隊加油打氣啦！

圖片來源：IG@ngklangus、伍家朗直播截圖

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！