《無法抗拒的他》反轉大結局 齊學#韓韶禧「純欲風」

 

請Like我哋個Page：

《無法抗拒的他》終於播出咗大結局喇！雖然前排套劇畀人話喺收視毒藥，不過逆轉嘅大結局就為收視帶嚟反彈。《無法抗拒的他》改編自同名網路漫畫，由韓韶禧同宋江主演。

劉娜比（韓韶禧飾）係一個不相信愛情，但依然想拍拖嘅大學生，就喺佢同前度分開後，佢就喺機緣巧合下遇上同樣修讀藝術科系嘅朴宰彥(宋江飾）。宰彥係一個只享受曖昧，唔會認真拍拖嘅人。娜比一開頭喺宰彥甜蜜攻勢下好快就陷入咗佢嘅情網，即使身邊好朋友點勸說都好，依然都同宰彥發生咗親密關係，隨住劇情發展，娜比就發現自己只係宰彥其中一個曖昧對象。喺佢童年青梅好友，暖男梁度赫（蔡鐘協飾）極力追求下，佢就慢慢地遠離咗宰彥，嘗試轉去度赫嘅擁抱中。不過，宰彥最後發現自己原來喺真心鐘意咗娜比，並且向娜比正式提出交往嘅請求。娜比並無喺第一次接受宰彥嘅請求，而且仲懷疑佢嘅動機，認為佢只係想佔有自己，並唔係真心想同自己喺埋一齊。 就喺娜比拒絕佢後，娜比用嚟展覽嘅作品意外地被破壞，喺臨近考試前嘅日子，作品又被破壞，娜比只識得以眼淚去面對一切，幸好宰彥突然出現，並短時間內幫佢重新整好作品，娜比為此非常感動，但宰彥同時間都消失咗喺佢嘅生活入面。

最後，經過多次轉折嘅二人都喺娜比展覽時重修舊好，宰彥終於為左娜比而決心對佢一心一意，不再同其他人發展曖昧不明嘅關係。

劇中另外一個焦點就係女同戀劇情，劇中另一部分講述兩名女配角，分別就係女主角同系同學仔嘅知完同尹率。兩個人看似只係好朋友但原來漸漸相處間已昇華為愛情。最後彼此都踏出咗第一步，表白並發展成為情侶。女同性戀題材喺韓劇入面並唔常見，導演同編劇呢方面可以話係別出心裁，並想帶出關注同性之間感情嘅訊息。飾演尹率嘅演員係YG旗下藝人李皓京，由模特兒轉型為演員，而佢喺Instagram上都有過100萬嘅followers，加上佢嘅模特兒身材，被眾多傳媒都大讚佢為下一個備受力棒嘅演員。而飾演知完嘅演員叫做尹瑞雅，佢係同韓韶禧同門嘅師妹，暫時並唔算有太高知名度，但相信佢將來會有更多作品並有更多人認識佢。

而韓韶禧喺劇入面都有好多令女仔模仿嘅造型，集清純甜美同性感於一身，佢嘅衣著穿搭的確令人難以忘記。劇中嘅韓韶禧多以「純欲風」作為日常穿搭，為咗配合佢嘅大學生身份，佢衣著都以百摺短裙，oversized大衣作為主要配搭，配上佢嘅好身材，更容易引人瑕想，所以就俾人叫做「純欲風」穿搭！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！