【American Eagle】2021最新夏日服飾輕便百搭 為你帶來七彩夏日

 

請Like我哋個Page：

生活提案事務所 Lifenews HK

American Eagle以美國牛仔褲品牌聞名，相信大部分女仔嘅衣櫃入邊都有一條American Eagle嘅牛仔褲。而American Eagle主打年輕輕便服飾，色彩繽紛又輕透嘅服飾正好適合炎炎夏日。

以下就等小編為大家示範American Eagle 嘅夏日服飾穿搭啦！

AE印花T恤 HK$290

淨色Tee既百搭又顯年輕，印上American Eagle 字樣更突顯美式風情。無論襯牛仔褲或者短裙都一樣得。如果覺得齋著Tee太悶嘅話，好似小編咁樣將佢整成Crop Top，可以睇落比例好啲之餘仲可以露下腰，襯托番夏日活潑嘅氣色添！

AE短身刺繡娃娃裝上衣HK$390

如果覺得T-shirt唔係好啱你甜美嘅Style，娃娃裝上衣就啱曬你啦！Monogram Pattern嘅底色加上醒目嘅黃色蕾絲邊，夏天著出街實可以吸引男神嘅目光！

AE超大法蘭絨連帽恤衫HK$490

成日都話，香港商場啲冷氣永遠都係咁凍，夏天出街唔少得要帶一件「冷氣褸」以防萬一，呢件連帽恤衫就啱曬嚟做「冷氣褸」啦，佢由幾隻唔同顏色嘅格仔布拼接而成，仲有頂灰色帽仔嚟添加造型！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！