【護膚品牌推介】本地5大零殘忍天然護膚品牌 喺夏天全方位照顧你每寸肌膚

 

請Like我哋個Page：

生活提案事務所 Lifenews HK

香港天氣咁炎熱，肌膚一定需要好好呵護。平時我哋已經接觸好多對皮膚有害嘅化學物質，護膚品最好都係要揀返純天然！以下5個本地品牌都主打純天然，甚至純素，咁以後想買本地純天然護膚品牌就可以參考吓。

圖片來源: INUF官網

I Never Use Foundation (INUF)

品牌嘅中文係「我從不上粉早餐會」，因為品牌創辦人Olive覺得只要皮膚嘅質素夠好，咁就唔需要再用粉底，所以連佢自己出街嘅時候都唔會化妝。品牌堅拒加入有害化學物入產品，同埋成份係專為亞洲膚質而設，香港人絕對適合用。雖然INUF從來唔做宣傳，但有創辦人呢個咁大嘅生招牌，已經令人對INUF嘅產品好有信心。

圖片來源: Skin Need官網

Skin Need

好多人都以為Skin Need係美國人創立嘅美國品牌，但其實Skin Need係香港人創立，喺美國研發同生產，所以品質同安全都係有國際認證，咁就可以放心使用！Skin Need運用咗高科技成份，例如植物幹細胞同納米提取物等等，全方位照顧到你嘅肌膚需要，而且佢哋嘅產品都不經動物測試，堅持Cruelty Free。

圖片來源: Coconut Mattter官網

Coconut Matter

最初因為賣紙筒潤唇膏而出名嘅Coconut Matter堅持用純天然成份製作護膚品同堅拒動物測試。好多護膚品牌都忽略咗環保呢個元素，而Coconut Matter喺做天然護膚品嘅同時，堅持Zero Waste，使用百分百可生物分解嘅包裝，為地球出一分力。

圖片來源: Wood Polar官網

Wood Polar

Wood Polar係香港嘅天然護膚品牌，大部份嘅產品都係手工製同埋主打天然，不含防腐劑同石油等等化學物質。除咗美容產品，佢哋仲有出一啲生活用品，由Wood Polar自家設計，如果鍾意簡約同歐美風，不妨去佢哋嘅網站睇吓。

圖片來源: WULT Beauty官網

B.Y.O.B

呢個本地護膚品牌其實係由Skin Need嘅創辦人Christal Leung所創立嘅副線品牌，同Skin Need一樣，都係堅持唔用動物做測試同埋純素、純天然。香港人嘅皮膚唔係所有外國嘅牌子護膚品都適用，B.Y.O.B就係針對香港人嘅需要，研發咗一系列嘅護膚品，迎合返香港氣候，咁就唔怕會過份滋潤導致有粒粒又唔怕會唔夠保濕。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！