【#強勢回歸】#廿二世紀殺人網絡4 The Matrix 4即將上映！奇洛李維斯全黑經典造型不再 變身長髮鬚根look
請Like我哋個Page：
演員方面，「The Matrix 4」依然由奇洛李維斯擔任Neo(尼奧)，而女主角Trinity都係由凱莉安摩絲擔任。呢對黃金拍檔又點會令大家失望呢，相信忠粉們都十分期待！早喺2019年，奇洛李維斯就曾經同傳媒表達過自己有興趣繼續拍Matrix 4，其後喺接受雜誌訪問時，佢表示睇完導演拉娜華卓斯基嘅劇本令佢引起共嗚，所以更加想參與第四集嘅拍攝。
至於女主角凱莉安摩絲對於自己能夠重返Matirx系列感到非常驚訝，佢收到劇本後更被故事深深打動！聽到兩位主角對劇本有咁高嘅評價，相信呢套電影一定非常吸引，值得大家好好期待！
而今次嘅拍攝更多咗曾演出電視劇「Grey’s Anatomy」嘅Christina Ricci ，以及Jada Pinkett Smith、Neil Patrick Harris等等加入。但最後並冇公開佢咃做咩角色，Sad News就係勞倫斯費許明(Laurence John Fishburne)同曉高韋榮(Hugo Wallace Weaving)都表示唔會續拍。
劇情方面，網上傳聞今集將會設定喺2003年推出「駭客任務完結篇：最後役」事件嘅60年後。模擬世界到時將會全面重啟，同上一次相比起多咗好多唔同變化，「世界」亦同Neo多年前到訪存在差異，包括”錫安城”己經無咗，僅餘嘅人類都唔會再怕機器，甚至會互相合作。 今集劇情亦會解釋莫菲斯(Morpheus)缺席嘅原因，並交代佢已經去世呢個消息。
由於人類同機器之間和平嘅關係慢慢失去平衡，所以Neo重返，而佢都嘗試喺世界中搵出其中另一個版本嘅Trinity。無奈嘅係，Trinity已經改左做另一個名，Tiffany。到底Neo可唔可以救番Trinity呢？
大家一定要拭目以待！
另外一個彩蛋就係奇洛李維斯喺套戲嘅經典黑超造型將會變為長髮留鬚look。呢個設計係因為奇洛李維斯要同時兼拍埋「殺神John Wick4」，所以喺造型上都要就埋殺神，一改全黑長褸造型，對粉絲嚟講都算係一個意外驚喜！
暫時都無人可以證實上面呢個傳聞，但粉絲們唔洗等太耐就可以睇到喇！「Martrix 4」將會喺年尾上映，記住bookmark定日子去戲院睇啦！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment