【香港手作】3間本土特色手作小店推介！人手製作香港雞蛋仔/格仔餅皮革｜港式奶茶外賣杯花紋款散紙包｜集體回憶「九因歌」&「家庭裝麵包」款斜揹袋

 

請Like我哋個Page：

生活提案事務所 Lifenews HK

近年來唔少香港人支持返本土出品嘅產物，將香港文化發揚光大。今次小編介紹3間充滿香港特色嘅手作小店畀大家，每一件精品係包含住設計師對「Made in Hong Kong」嘅擁戴，透過創意手法將香港文化融入手作當中，例如香港街頭小食雞蛋仔格仔餅製成皮革、茶記奶茶外賣杯嘅花紋印喺散紙包上，童年回憶嘅乘數表「九因歌」款嘅布袋都有。一齊嚟睇下有咩手作精品勾起你兒時回憶啦！

1. Grew From Hands 雞蛋仔&格仔餅造型皮革

呢間致力製作本土特色嘅皮革產品Grew From Hand，將香港街頭小食雞蛋仔&格仔餅製作成皮革散紙包同埋斜揹袋，材料選用意大利植物鞣製皮革，最重要嘅係全人手製作，質素一定有保證！店主有時都會舉辦皮革製作課程，有興趣親手整皮革嘅朋友不妨留意IG小店嘅消息啦！

IG：@grew_from_hands

2.  Beis Leather 港式奶茶外賣杯款口金散紙包 / 富豪雪糕車款卡套

呢間主打為客人度身製作皮革嘅工藝小店Beis Leather製作嘅皮革種類豐富，只要你講得出要咩皮革產品，設計師會為你製作，例如有紅酒皮革袋同打火機套等等。設計師喺構思香港特色主題上，從生活小細節出發，將香港茶記嘅外賣杯花紋、富豪雪糕車嘅車身花紋呈現喺皮革品上，呢啲日常小細節都係香港本土特色嚟㗎！

IG：@beisleather

3. Hand Made Ship 集體回憶「九因歌」/「生命麵包」款斜揹袋

喺銅鑼灣有實體店嘅Hand Made Ship ，致力將香港集體回憶嘅畫面為手作設計嘅藍本，呢間手作店嘅貨品種類都多元化，每一件貨品都勾起唔少80後90後嘅童年回憶，例如有小學生時期背得好痛苦嘅九因歌乘數表，每次學校旅行BBQ必買嘅生命麵包，感冒又唔睇醫生嘅時候一定食過嘅幸福傷風素。設計師透過二次創作呈現香港人嘅集體回憶喺手作上，每一件手作充滿著香港情懷。

IG：@handmadeship

圖片來源：IG@beisleather、@grew_from_hands、@handmadeship

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！