【紐約時報2021上半年三大吸粉藝人】 #193 #呂爵安 ( #Edan ) 齊齊上榜，仲有呢位靚女...

 

請Like我哋個Page：

生活提案事務所 Lifenews HK

《紐約時報》最近公佈咗2021上半年最強吸粉力嘅藝人，頭三位分別係ERROR成員郭嘉駿，MIRROR成員呂爵安(Edan) 同埋「試當真」嘅靚女演員吳家忻。小編今日就同大家講下佢地三位2021上半年有咩代表作啦！ 

首先就講左第一位ERROR成員郭嘉駿先喇！藝名193嘅佢，為《Good Night Show 全民造星》四十強之一。本身做fashion buyer嘅佢，擁有過人嘅時尚觸覺，所以都會幫其他ERROR成員幫手襯衫。而喺2021年上半年ERROR就包辦咗眾多大品牌嘅廣告，分別有Deliveroo，ToyotaHK(同另一成員肥仔），Samsung (同另一成員肥仔），Guerlain等等約四十個廣告，話其中一份子嘅193係吸粉王真係一啲都唔過份！ 

 排第二嘅就係MIRROR成員呂爵安，同樣地都係參加《Good Night Show 全民造星》而入行。喺2021年1月27號佢推出咗個人單曲《E先生 連環不幸事件》後就大獲好評兼爆紅！推出一日就已經喺Youtube 獲得過20萬嘅點擊率，兼登上大部分串流平台嘅頭三位。《E先生 連環不幸事件》仲成為「903專業推介」、「新城勁爆流行榜」同埋「Chill Club推介榜」嘅冠軍歌！ 除咗演唱事業外，由佢主演男主角田一雄嘅《大叔的愛》都大受歡迎，連日本版導演「齊藤由貴」都大讚香港製作團隊專業。而呢套劇仲被形容為ViuTV開台以來最高收視劇集，其最高收視為8.7點，即約有57萬人同時收睇該節目！咁紅，吸粉都好正常啦！ 

第三名就係拍「試當真」而出名嘅演員吳家忻，佢仲有一個花名就係「港版周子瑜」。佢喺2021年分別係ViuTV節目《YOLO的練習曲》中飾演Jeannie，以及同另外兩名「試當真」成員蘇志豪及許賢孖住推出新歌「係咁先啦」。因為歌詞夠哂貼地又上腦，唔洗一個星期就有過26萬嘅觀看率。無論唱歌定拍戲，家忻都表現得咁好，相信佢會繼續係娛樂圈繼續發光發熱！ 上半年嘅結果就係咁，唔知下半年又到邊個做吸金王呢？一齊拭目以待啦！

圖片來源：吳家忻FB

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！