【 193 保錡設計 】 ERROR成員服裝品牌逐個數 小編精選tshirt/自家設計口罩

 

請Like我哋個Page：

生活提案事務所 Lifenews HK

相信各位ERROR粉絲們都想同你哋偶像擁有同款服飾單品，今日就同大家介紹ERROR保錡同193所主理嘅時尚品牌。

保錡所主理嘅品牌叫做「Øbeginning1」，喺旺角兆萬中心有一間實體店，佢解釋品牌嘅來由係因為想表達由無變有，0變1呢一個過程。而「Øbeginning1」呢個名正正就想向大家表達呢一件事。 「Øbeginning1」係每個星期都會推出一件限量Cyber Punk t-shirt，而且數量只有10件，設計上都係以黑色底t-shirt再配搭上具未來感嘅相或圖案。由於數量有限，所以每次正式發售時都會引起熱潮。另外，呢個系列只接受現場即時購買，所以有興趣嘅粉絲就要定時留意Instagram，準時去舖頭度買啦 ！ 

193係潮人就係人都知啦，喺佢加入娛樂圈前，佢都做過好耐時裝買手，見佢平時係節目講fashion講到眉飛色舞，就知佢有幾咁熱衷呢樣野。 LILABOC係佢創立嘅個人品牌，品牌名嚟自電影「阿甘正傳」嘅金句；Life is like a box of chocolate嘅簡寫。電影中嘅解釋就係人生好似一盒高級朱古力，你永遠唔知下一粒朱古力會拎到咩形狀，咩味道，就好似人生一樣，充滿變數及希望。 LILABOC以193最愛畫嘅火柴人作為主角，設計單品中有漁夫帽、t-shirt及口罩。由於品牌並不常推出新貨，所以每次有新貨都會引起搶購潮。品牌係7月份推出咗個人設計口罩，唔夠一日就已經俾粉絲們買哂，想同193著同款服裝單品，就要mon住品牌Facebook同Instagram！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！