【東京奧運】李慧詩復活了！場地單車爭先復活賽成功取下席位晉級12強！

 

請Like我哋個Page：

生活提案事務所 Lifenews HK

 

場地單車爭先賽喺今日（8月6日）香港時間下午2點半開始舉行，港隊李慧詩雖然喺凱林賽坐包廂無緣獎牌，但團火都冇熄到。回顧之前嘅賽事，首先前會出戰200米排位賽，李慧詩係第29位出場，最終以10.538秒衝線，排位列入第9位，比中國選手鍾天使排喺前面。

到首圈24強賽事中，李慧詩對立陶宛Simona Krupeckaitė，去到中段對手踩上外圈加速，響鐘後李慧詩加速前進，最後成功爬頭以0.102秒力壓對手衝線，成功晉級入16強。

到16強，對英國選手Katy Marchant，一開場嘅位置係李慧詩行前Marchant後，兩位以慢速行駛互相觀察對手，去到200米後，英國選手入咗彎位加速追上港隊，響鐘後李慧詩加把勁向前追上，但最終以半個車圈0.025嘅微距不敵英國，落入復活賽。

大家對牛下女車神嘅賽事好緊張，不過不負眾望成功喺復活賽成功擊敗美國對手Madalyn Godby，攞下復活席位晉級12強。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！