【東京奧運】 香港女子乒乓球隊成功擊敗德國！ 以局數3:1 奪得銅牌！
請Like我哋個Page：
到第二場係單打回合，港隊派出新星蘇慧音對德國韓瑩，同樣第一局先拎1分，第二局韓瑩追上打成平手。面對大局落後於德國嘅處境下，蘇慧音爆Seed連續2回成功反擊德國，大局追成刁時。
第三場單打，港隊派出一姐杜凱琹上陣，對德國索爾佳，連續3局贏下回合局數3:0，港隊大局2:1領先。去到最後決勝負，香港蘇慧音連續3局擊敗德國單曉娜，最終港隊3:1成功擊敗德國隊，打破亞洲記錄，為港摘下銅牌。
今次港隊女子乒乓球隊為香港奧運團體賽上奪得第一面銅牌，相信大家都好為佢哋高興，唔知你哋對呢3位香港乒乓球運動員你又認識幾多呢？
新星蘇慧音
蘇慧音出生於1998年4月13日，父親係香港前乒乓球隊代表蘇俊華。從小跟父親學習乒乓球，15歲成為全職運動員，17歲加入港隊參加過亞錦賽、世錦賽同埋世界盃團體賽並贏得獎牌。之後佢夥拍李皓晴同埋杜凱琹，出戰2018年雅加達亞運團體賽，為港隊奪得女團銅牌。
雖然今次佢第一次參加東京奧運，但佢嘅實力唔可以睇小。原來佢喺瑞典世界團體錦標賽上，喺4強賽中擊敗過中國名將丁寧，雖然團體最終獲銅牌，但係呢場賽事成為蘇慧音嘅個人代表作。目前佢喺單打世界排名上站第28位。
「奧運三朝元老」李皓晴
連續3屆出戰奧運嘅元老級女乒成員李皓晴出生於1992年11月24日，佢以前中學讀拔萃女書院，但因為愛上打乒乓球而放棄學業，選擇投身成為職業運動員。接受全職訓練後，李皓晴嘅表現突飛猛進，喺2012年世界錦標賽上，為港隊奪得女子團體銅牌。2012年倫敦奧運係佢第一次踏足奧運舞台，同師組帖雅娜同埋姜華珺一齊出戰女乒團體賽。雖然當年不敵韓國晉升唔到8強，但令佢吸收唔少奧運實戰嘅經驗。
後期佢係2014年出戰仁川亞運，夥拍江天一為港奪得混雙銀牌，再同吳穎嵐摘下女雙銅牌。繼帖雅娜、姜華珺退役後，李皓晴成為香港女乒團中嘅師姐，為港喺世界錦標賽、亞運團體賽上奪得唔少銅牌，分別有佢目前喺單打世界排名上係第45位。
「港隊乒乓球一姐」杜凱琹
杜凱琹出生於1996年11月27日，14歲已經成為香港青年代表隊成員，喺2014年南京青年奧運會為港奪得一面女單銀牌而成名。後來加入港隊成為主力後，夥拍隊友黃鎮廷出戰世錦賽混合雙打，為港摘下銅牌。對於杜凱琹嘅代表作，就係里約奧運東亞區資格賽上，擊敗當時被稱為「世界一姐」中國劉詩雯。
除咗女團比賽，杜凱琹夥拍黃鎮廷打混雙成績都唔錯，更早之前二人喺世錦賽奪得兩次銅牌，仲喺2018年世界巡迴賽上喺年終賽榮獲冠軍，被稱為力爭獎牌嘅組合。今時今日被稱為「港隊乒乓球一姐」唔係浪得虛名架～
圖片來源：IG@hoikem、@leehoching1124、@minniesoo
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment