【親子活動推介】觀塘「貼地」絲網印刷T恤 自定圖案或俱香港特色圖案任你揀

 

請Like我哋個Page：

生活提案事務所 Lifenews HK

周末想同小朋友進行吓親子活動但又未諗到有啲咩可以嘆住冷氣做？絲網印刷T恤可能好多人都未接觸過，但其實過程好玩之餘，亦冇咩難度，新手同小朋友都可以成功！

店主鍾情於絲網印刷，學咗兩年亦都花咗好多時間去研究，所以要整漸變色或者點整會靚啲，店主都會比到好專業嘅意見，等大家可以帶走一件自己整而又好靚嘅T恤，唔怕會浪費咗件衫。而且唔好諗住價錢貼地就會犧牲件衫嘅質素，佢地嘅衫全部都係100%綿，睇得出店主有幾重視質素。

小編一直都好好奇點解Studio嘅中文名會叫做貼地工作坊，到底係有啲咩原因，店主會改呢個名呢？

原來係店主留意到香港好多嘢都好離地，包括樓價同物價，令到好多香港人都冇晒笑容，所以佢好想香港人用一個「貼地」嘅價錢去搵最「貼地」嘅娛樂活動。

賺錢已經唔係店主最大嘅目的，而係比個舒適嘅地方大家，用親民價錢娛樂，希望大家可以重拾笑容。

話明親子活動，咁就梗係可以比小朋友參與埋一份啦！店主話只要小朋友夠4歲就可以玩，佢會逐個步驟親自教導小朋友，等小朋友可以感受到當中樂趣，又可以寓學習於娛樂，啱晒周末帶埋佢哋嚟玩吓，小朋友著自己親手印嘅衫一定會好開心！

雖然小編唔係小朋友，但細心嘅店主都一樣咁好耐性去教小編，每個步驟都解釋得好清楚。小編當然冇店主咁熟手，但都成功印咗件好靚嘅T恤出嚟，而家小編成日著住，全綿嘅T恤無論係喺屋企著定出街著都好舒服。

店裡面本身就有啲網板可以畀大家揀，有好多都俱有香港特色。如果有圖案係想印嘅而店入面冇，大家都可以7日前同店主講，訂造一塊網板，只需要額外加$150製板費就可以印完拎走埋塊網板留念。

佢地仲有埋熱轉印陶瓷杯嘅班，可以親手整完送比你嘅最愛，想嚟玩就快啲搵店主預約啦！

Stick Ground Studio 貼地工作坊

地址：觀塘興業街永泰中心6樓6081室

經Whatsapp / Signal 預約：9085 7361

經IG預約：stickgroundstudio

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！