【數碼轉型分享】香港零售科技商會呈獻《Retail Innovation Summit 2021》｜雲集多個零售業界人士分享零售轉型策略！

 

請Like我哋個Page：

生活提案事務所 Lifenews HK

 

一個疫情令全世界嘅經濟面臨大衰退，零售業係影響最大嘅行業之一。面對百業蕭條嘅環境，令唔少企業開始走向數碼轉型。香港零售科技商會喺7月29日舉行咗《Retail Innovation Summit 2021》，雲集一班零售業界人士分享有關新零售概念，點樣喺疫情下透過數碼轉型救業績。

大會邀請咗中國電商嘅代表Cara Wong，去分享下企業數碼轉型嘅經營心得，現時疫情下令數碼營銷係發展大趨勢。Cara 有提過E commerce嘅經營上，好多人都忽略網絡安全呢一點，對企業數碼轉型最重要嘅係一定要善用資訊科技去保護客戶數據，以免黑客入侵盜取重要嘅資產。 

仲有來自阿里巴巴嘅代表Abby Leung 去分享自家企業嘅阿里巴巴雲端（Alibaba Cloud）點支撐整個企業嘅數碼營銷業務。佢仲有分享近期公司推出咗個電子價錢牌，可以一分鐘內將所有分店嘅產品價錢透過數據中心統一更改，減輕人手。

另外仲請咗位飲食業嘅美心集團代表，分享美心點樣透過數碼策略喺疫市中增加利潤，例如推出電子現金券剌激銷售，同Foodpanda、Deliveroo 合作，引用多元化嘅付款模式。

到業界人士座談嘅環節，每位都分享喺數碼營銷策略上最重要嘅因素。第一，必須建立強大嘅網絡安全應對措施去防止黑客入侵。第二，建立E Commerce 網站必須係搵啱伙伴，以免建立咗個唔符合公司市場定位嘅網站。第三，必須建立屬於自己品牌嘅Community，得以累積一班有消費力嘅顧客去維持客源。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！