【Mirror 爆笑熱話】「我老婆嫁左比Mirror導致婚姻破裂關注組」突破24.3萬人 盤點3大鏡粉苦主老公爆笑花生

 

請Like我哋個Page：

生活提案事務所 Lifenews HK

 自從有Mirror 嘅出現，的確為香港娛樂圈增添咗唔少氣息，開始嘗試改寫數十年以來所存在嘅「樂壇已死」定義。不過，對全港老公或男朋友嚟講，Mirror 可能喺一生中最大嘅情敵。只要你另一半開始留意Mirror，唔駛諗喇！你注定未來嘅日子離不開Mirror嘅話題，「我老婆嫁左比Mirror導致婚姻破裂Facebook 關注組」就喺咁嚟，一眾苦主老公s 幽默感爆登，連花姐都話睇到唔捨得瞓。以下喺小編盤點3大幽默爆笑花生。

1. 攞曬全屋公仔聽Mirror 成員單曲

有位人兄嘅老婆日日夜夜聽Jeremy首歌，要求佢一齊聽。冇諗過連公仔都唔放過，攞曬自己公仔出嚟排排坐坐聽，出動埋老公嘅劉備和諸葛亮模型一齊連坐，老公大呻放過劉備諸葛亮。

2. 扮Anson Lo 夏天著長褸比老婆驚喜

Anson Lo 生日30幾度著住長褸喺尖沙咀碼頭現身，用打卡行動接受粉絲嘅祝福。有老公想氹老婆，去仿效佢著住長褸比老婆一個surprise。著左上身後，老公表示喺室內有冷氣都搞唔掂，Anson Lo you win 

3. 改寫歌詞訴苦，Error 都入數

一眾苦主就老婆鏡粉成癮，令自己銀包出血同時，居所充斥着Mirror 成分，有位老公填詞人上身，改歌詞將《16號愛人》為《16任愛人》，Mirror 12人加Error 4人，剛剛好16位～

圖片來源：我老婆嫁左比Mirror導致婚姻破裂關注組

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！