【川菜迷注意】用兩斤特大魚種炮製正宗四川烤魚 魚肉嫩滑索滿香辣湯汁

 

好多時候，我哋食到嘅烤魚一係湯汁太油一係魚肉太柴，相信好多人同小編都有同一個問題︰香港到底有冇餐廳食到又正宗又好食嘅烤魚呢？經過小編連日嚟嘅搜羅，終於比我搵到間超抵食仲要包保正宗嘅烤魚！巴辣仔烤魚雞煲喺新界開咗好多間分店，今次終於開到嚟深水埗！喺新開幕期間佢地仲推出咗開幕優惠，其中包括食雞煲即享免費加餸「鮑魚海鮮盤」(原價$188)。佢哋嘅烤魚色、香、味俱全，除咗烤魚，仲有佢哋自創嘅酸菜雞煲都好值得一試。鍾意食烤魚同雞煲嘅你千祈唔好錯過！

 

巴辣仔嘅老闆對食材好有要求，堅持用起碼兩斤重嘅特大魚種去整四川烤魚。為咗畀大家食到最正宗嘅味道，老闆仲專登去到四川成都拜師學藝，用最地道嘅方法去炮製四川烤魚。烤魚嘅湯底係將熬煮咗6個鐘、入面有15款中藥材嘅辣椒醬混入每日新鮮熬4至5個鐘嘅豬骨湯底製成，鮮、麻、香、辣有齊晒，層次好豐富而且十分惹味！

 

烤魚總共有六種唔同嘅湯底，辣度由唔辣去到大辣都有，客人可以因應返自己食得辣嘅程度揀返個辣度，湯底都有唔同風味，例如有蕃茄湯等等，應合返唔同客人口味，始終唔係個個都鍾意食啲好刺激嘅湯底，呢個做法好貼心，照顧到唔同客人嘅口味需求！連魚種都有三款揀，包括沙巴龍躉、江團魚同凌波魚。但最受歡迎就一定係香辣味烤江團魚，小編今次就揀咗小辣，一嚟到就聞到好香，鍋入面嘅魚好大條同埋配菜都好多，好啱三四個朋友一齊開心Share。魚肉索晒啲湯汁，湯汁夠晒香夠晒辣，肉質都好嫩滑，完全食得出魚嘅鮮味！鍾意食烤魚嘅朋友一定要嚟試吓呢個烤魚，連唔係好鍾意食魚嘅小編都覺得好好食，好想再去！

 

除咗雞煲，老闆仲推出咗酸菜雞煲。雞煲用咗肉質鮮嫩嘅三黃雞，再用野生小米椒同老壇酸菜去熬個湯底。上枱之後，雞肉連同湯汁一齊煮返滾，小編食嘅時候已經係煮多咗一陣，但雞肉依然十分之嫩滑，雞肉掛上咗湯汁，酸得嚟好開胃。雞煲入面有好多切開咗一半嘅豆卜，豆卜索晒啲湯汁，一咬落去啲汁爆晒出嚟，好似飲咗啖湯，食得出湯底有幾濃郁同酸菜嘅鹹香。

 

食辣嘢最緊要有嘢飲，仲要而家正值夏天，一定要飲返杯冰凍嘅特飲。由6月21日去到7月20日期間，大家去深水埗、尖沙咀同埋屯門呢三間分店食烤魚或者雞煲，每位加18蚊就可以無限任飲1.2L超巨型冰凍特飲，包括橙心柚惑、青蘋果檸檬綠茶同霸氣葡萄特飲等等。呢啲咁解渴嘅特飲就啱晒食烤魚同雞煲嘅時候飲！

 

開幕優惠由6月21日去到7月20日㗎咋，喺深水埗、尖沙咀同屯門三間分店用正價食烤魚就可以得到每枱一份嘅免費鮑魚海鮮盤，想食就快啲去啦！

 

巴辣仔烤魚雞煲

提供優惠之分店：

深水埗店(新分店)：順寧道55-61號順年閣地下2號舖 (查詢及訂座：2382 1698)

尖沙咀店﹕加連威老道58-60號幸福大廈地下及1樓 (查詢及訂座：2421 6088)

屯門店﹕青善街14-18號康景花園地下5-7號舖 (查詢及訂座：2323 0555)

 

其他分店：

大埔店﹕翠怡街3號翠怡花園C座地下14A舖 (查詢及訂座：2348 8138)

上水店﹕新祥街14號地舖 (查詢及訂座：2657 1888)

粉嶺店﹕聯昌街20號聯昌大樓地舖 (查詢及訂座：2657 7388)