【健康心得】梁嘉琪40歲健康重新出發!坦言有超級敏感體質! 分享湯水花茶療法治寒底小貼士!
請Like我哋個Page:
梁嘉琪自從離開TVB後,嘗試接觸唔同嘅新嘗試,搞自己時裝品牌嘅同時,又去過RTHK同埋有線娛樂新聞台做主持。佢表示工作忙碌嘅時候好容易分心,所以佢話從精神、心靈同埋身體呢三方面平衡調節好重要,咁先可以有活力向前衝。
嘉琪透露自己身體一向都唔好,有寒底同埋敏感體質,不過佢自從年齡踏入40歲後開始注重養生, 今日就分享俾大家知,嘉琪點喺忙碌工作中保持最佳狀態嘅養生小貼士。
對寒底人嘅最佳療養方法,食療養生都係一個唔錯嘅選擇。嘉琪有分享佢飲花茶嘅習慣,得閒會飲一小杯黑糖薑茶、陳皮燉檸檬嚟滋潤一下。第二,如非必要唔好食西藥,傷風感冒可以飲菊花薄荷茶嚟開竅醒神。第三,得閒飲下湯水去調理身體,佢分享近兩年鍾意飲紅蘿蔔栗米豬骨湯嚟增強自己嘅免疫力。
除咗飲湯水花茶調理,適量運動都好重要。嘉琪透露天氣涼嘅時候會行山,接觸下花草樹木俾自己身心放鬆,可以排出心靈嘅毒素。
除咗以上小貼士,嘉琪仲分享自己去水腫嘅伸展運動,想知就要留意最新一期中醫生活,同埋我哋FB Page啦!
訪問片段:
請Like我哋個Page:
你也有精彩的人和事跟我們分享?想查詢廣告合作?請Inbox話我哋知!







Leave a Comment