【MBTI】超準人格測試 了解自己係外向/內向和思考方法

相信9型人格大家都聽過，唔知MBTI十六型人格大家又聽過未？呢排韓國藝人興起玩MBTI測驗，IU、Astro文彬係INFP「理想主義者」，而Super Junior銀赫、Blackpink Rosé就係ENFP「奮鬥者」。如果你想了解自己係外向，定內向？依賴直覺定係實感去了解事情？就可以試玩MBTI測試，除咗了解自己外，仲可以喺職業上提供一啲方向。

「簡體中文版」按下鍵結：https://www.16personalities.com/ch/人格测试

「英文版」按下鍵結：https://www.16personalities.com

第一欄：外向（Extraversion） vs  內向（Introversion）

是指一個人如何獲得自己的能量。外向的人會透過和其他人聯絡而得到能量，而內向的人需要透過獨處而得到能量。但內向的人並不是指不懂跟人社交，只係比較鍾意毒L一人，就好似「一人之境」歌詞嘅「一個人原來都可以盡興」；同樣地，外向的人亦唔代表唔需要獨處思考的時間。而外內向更加影響認知功能嘅運用

第二欄：直覺（Intuition） Vs  實感（Senses）

是指一個人如何獲得資訊：實感的人較著重事實和細節，通常使用五感和經驗感知這個世界，相信經驗多於文字和符號的函意；而直覺的人較著重價值感、內裡函意、觀察事件重覆的模式。例如了解一個著花花襯衫嘅人，實感的人會留意他身穿的顏色、圖案，而直覺的人會思考他著花花襯衫嘅原因，例如係咪要去夏威夷。

第三欄：思考（Thinking） Vs   情感（Feeling）

是指一個人如何下決定：思考型人格多數以邏輯、思考好壞處才下決定，較著重誠實、持續、公平性；情感型人格多數以個人價值觀或思考為其他人帶來的影響而下決定，對別人情緒較敏感。例如：一個人決定變得更環保，思考型可能係因為全球暖化帶來巨大嘅影響，而情感型可能係因為覺得受影響嘅人和動物好可憐。

第四欄：判斷（Judging） Vs   感知（Perceiving）

是指一個人的生活和處事模式：判斷型的人較有效率和有組織力，喜歡計劃和跟從計劃的細節，接受規矩和限制；而感知型人格較需要有不同的選擇，喜歡有彈性的計劃，或隨心而為。好明顯的例子就係旅行，多數判斷型都係鍾意有計劃嘅旅行，好詳細做哂資料搜集；而感知型可能去到先plan嗰日嘅行程、甚至係周圍走添。

MBTI係一個指標去了解自己日常嘅行為、思考模式，小編都覺得幾準。如果想了解更多，喺呢個post比多啲like，小編就會做更多MBTI嘅議題、Memes。有機會就寫埋8個認知功能係點樣分辨同運用。