【辦公室提案】【辦公室入面，你最鍾意嘅唔係喺身邊嘅同事，而係...】

雖然話，職場如戰場，喺辦公室入面都好難搵到真朋友！不過做人又好難拋得咁開，始終對住咁多人，總有一兩個係會令我覺得好感激同埋喜歡！到底呢個係邊一個？

「每秒幾百萬上落嘅上司同老細」？的確，如果細心啲諗係要多謝佢哋嘅！簡單啲講，由佢哋請自己嗰一刻，都係因為佢哋睇得上同識得欣賞自己某啲優點先會請自己入嚟做。不過，伴君如伴虎，一個唔小心激嬲佢哋隨時又要受佢哋氣，時時刻刻都要睇住佢哋心情做人，對住佢哋始終交唔到心。所以，最鍾意嘅人一定唔會係佢哋。

「一條底褲兩份著嘅同級」？諗返起每一個OT，其實都慶幸有一班同事同自己一齊撐落去！尤其係有大Project嘅時候，大家一齊做一齊怨，鬧上司射波，鬧客人無理，同聲同氣真係好開心。但唔知係唔係定律，同級總係是非多，有時硬係會牽涉入一啲是非入面令自己覺得心很累。久而久之，都有一種感覺，就係不如遠離佢哋少少，唔好再講咁多心底話，遠離不必要嘅麻煩。

「白過白只嘅白紙下屬」？其實我自己都係人哋下屬，所以明白有時上司嘅要求真係好無理。所以，當有人Under自己嘅時候，我自己都唔想成為一個自己最討厭嘅人。對住下屬，我都盡心盡力，幫到就幫，教到就教。不過，當原來對住佢哋上心，佢哋會覺得好大壓力，覺得我好Chur。然後當我放鬆返啲，佢哋又會覺得我唔教嘢Hea底。對住一班下屬，有時難免係極度氣餒。既然係咁，大家都係做返普通同事，唔好太上心就好。

咁講咗幾類人，最鍾意嘅唔係老細上司同級下屬，咁最鍾意嘅係邊個？

答案係清潔姐姐。係呀，其實每日同清潔姐姐相處嘅時間可能只係一個朝早。佢可能會簡簡單單講下佢個仔讀書讀成點，我就簡簡單單同佢講下返工真係好辛苦，所有嘢都係好單純好冇機心。而正正因為對住佢講嘢唔使諗太多，就會覺得好舒服，就算佢講一句早晨都係覺得佢衷心祝我朝早好精神。對住清潔姐姐，慢慢就培養咗一種感情，甚至可以話係有誼，一種唔牽涉利益嘅友誼。

你呢？喺一個辦公室入面你又最鍾意邊個？你又有冇啲咩辦公室嘅點點滴滴一齊Share下呢？

-----------------------------------------------------------------------------------------------------

👍Lifenewshk編輯私心推介Whatsapp Group！

LifenewshHK吃喝玩樂推介😈
https://chat.whatsapp.com/Bbt5mYYkxdi6pGDe0pQBjw

香港好去處優惠推介😈
https://chat.whatsapp.com/KZHQduUSuf72JX6dLy5K52

親子讀書補習試卷教材分享區😈
https://chat.whatsapp.com/CGzSHHBNNF4979z5J1kKhF

優惠精選遊樂谷😈
https://chat.whatsapp.com/HYF0w6k4ckRGMSlpusrXbl

2021年媽媽會BB用品優惠😈
https://chat.whatsapp.com/HQJOvjo1QyxH4PqGF4Hreq

「小一2022/23直資私小學面試group 4 😈 (最受歡迎)：
https://chat.whatsapp.com/CRW62G56FL1J2uppXrqIdn

Staycation HK Hotel 香港酒店😈

https://chat.whatsapp.com/BdKoDGGz2VAC0oiIy4dxmn

金手指投資增值財富致勝谷😈
https://chat.whatsapp.com/CpY5PWGSq891Kxht2Mq4m0