【蠱惑的天文台】黑雨下怨聲四起 對返工有份執著嘅周生表示「唔係八號風就得」

 

請Like我哋個Page：

生活提案事務所 Lifenews HK

 

今朝黑雨，有市民留咗喺屋企等消息，祈求12點前唔好落黑雨，亦都有市民掛黑雨之前已經返到公司，估唔到做人太準時都唔係好事！正當大家都以為返工好慘，冇人想2個鐘頭內趕返公司，應該全世界都集氣啲雨唔好停之際，小編就話你知，世界上係真係有人好熱愛返工，同我地一般嘅打工仔唔一樣！

 

全香港都知黎生好鍾意返工，佢嘅訴求同大家唔一樣，就係要想返工！以為黎生係唯一一個咁熱愛返工嘅人？咁你就錯啦！

NOW新聞台今朝趁住黑雨，訪問一班途人對於黑雨嘅感想，周生就表示「我要返公司搞啲嘢，黑雨啫，唔係八號風球就得啦！」。聽完之後，小編都肅然起敬！連網民都忍唔住話「黎生有對手了」。

 

天文台12點前落黑雨搞到一班打工仔措手不及，個個都要仆住飛返公司，黎生同周生呢啲準備咁周全，一早就返到公司嘅好員工榜樣唔係人人做到，市民都紛紛表示對天文台不滿。有網民就用「賭場百家樂啲燈」嚟形容天文台預測，話買對家就一定中，天文台話落雨就係出太陽，好天就係落雨。明明大家都好淡定覺得可以返入被竇，點知今日11點幾就變返紅雨，當時仲攤喺梳化嘅小編都好想大叫一句：「好難捉摸啊！」

 

不過透過一場黑雨，估唔到香港仲有啲咁鍾意自己工作，咁有責任心嘅人，連黑雨都阻擋唔到佢地要返工嘅決心！睇嚟小編都要跟黎生同周生學下嘢，做個落雨也不怕、落雪也不怕嘅最強員工！

圖片來源：香港天文台@FB留言截圖、有線新聞、NOWTV截圖

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！