【林鍾拳賽】鍾培生約陶傑揼正骨分析賽事 大師暗示林作輸硬

6月 15, 2021




「香港電競之父」鍾培生對戰「保險業前大律師」林作的拳賽，由2月林作於網上挑釁鍾培生開始，到「百萬林鍾拳賽」9月正式上演，足足要等七個月。不過林、鍾二人於拳賽前繼續正常發揮，不負一眾花生友所望，每隔一段時間就成功製造新話題。近日鍾培生於YouTube Channel上載片段，邀請陶傑揼骨傾偈，分析與林作的拳賽。陶傑亦提到最近全民關注的政府派發電子消費券事宜，呼籲市民盡快領取盡快用，明年再要求政府派多$5,000；另外更提醒巿民切記不要將消費券用於越南式邪骨。

 

鍾：糾正林作道德觀   陶：畀兩分面我輕手少少
 
鍾培生與陶傑兩大抽水高手相遇，講到早前警隊高層光顧無牌按摩場所一事之外，鍾培生明言要透過拳賽糾正林作的道德觀念：「我學拳係去保顧身邊需要保顧嘅人，亦都想保護社會道德觀念。你個徒弟仔（林作）嘅道德觀念係需要糾正嘅。」陶傑笑言自己要負上部分責任：「大家叫得佢做我徒弟，我身為師父可能教導無方，令佢唔知邊一忽衝撞咗高人你（鍾培生）。佢邊度係你手腳呀？9月比賽時輕手少少，畀兩分面畀我。」鍾培生叫陶傑大可放心，保證賽事的專業拳證會適時終止賽事。





陶傑、鍾培生建議用AlipayHK領取電子消費券  集合使用購物更方便


陶傑認為派錢是政府挽回民心應做之事，並希望政府將派發消費券成為常設措施：「每人有$5000，嘟一嘟可以使得快啲。老人家逐張銀紙數住去用會肉赤，但用電子銀包就『多快好省』。一炮過用晒佢，出年可以再屈多佢（政府）$5000。」



陶傑又將林作比喻為八達通，主要用於十元八塊交易，出拳力道細；以曹星如比喻為AlipayHK，收放自如，可以輕手或者重槌出擊，就如AlipayHK可以用於大額或小額消費，所以陶傑建議使用AlipayHK領取政府電子消費券：「用八達通單次消費上限$3,000，用嘅人都係搭吓地鐵、巴士。AlipayHK冇單次消費上限，可以用嚟買laptop、健康補品。如果你拎BNO去移民，臨走都有好多嘢要買。買個篋、羽絨啱啱好。」鍾培生亦打算將家人的電子消費券集合使用：「我拎埋我阿爸阿媽嗰份，加埋萬幾，用嚟買智能電話送畀會員。再用額外資金買多部，加埋洗兩萬幾蚊，咁先可以刺激到經濟。」


林鍾大戰另一焦點，是高達三萬的門票定價，創香港開埠以來最高紀錄。陶傑笑言：「家長應該將一家大細嘅電子消費券集合，用AlipayHK買張飛畀個仔去睇林鍾拳賽，令到小朋友嘅inspiration同education completed，到佢大個咗就會感激屋企人。」




陶傑自嘲孤陋寡聞 最近才認識何謂「越南式揼骨」


陶傑繼續抽水，笑言刺激經濟方法，包括偶然幫襯揼骨：「我孤陋寡聞，最近先知多咗一類叫越南式揼骨。不過中式、泰式揼骨，一世人都揼唔晒啦，啱唔啱呀？我會揀中式、泰式，但永遠唔會係越南式揼骨。」


鍾培生YouTube連結：https://youtu.be/UEAjz0lw-eI




Leave a Comment

沒有留言

訂閱： 發佈留言 ( Atom )
由 Blogger 提供.