【蛻變提案】【張曼玉－由寂寂無名少女蛻變成國際知名影后】

「如果有多一張船飛，你會唔會跟我走？」呢句熟悉嘅對白眨吓眼就過咗20年，近期《花樣年華》喺各大戲院上映4K修復版，一眾戲迷可以再次欣賞大銀幕中嘅蘇麗珍（張曼玉飾）同周慕雲（梁朝偉飾），齊齊回味經典。

相信唔少人對蘇麗珍嘅角色讚不絕口，唔單止係因為佢喺戲中穿著21件全人手製作嘅高貴旗袍，將美嘅層次提升到極致；更重要嘅係，呢套戲絕對係張曼玉演藝生涯中嘅顛峰之作，喺2個鐘入面將佢嘅演技表露無遺，幾乎完美地演出同周慕雲充滿遺憾而唯美嘅愛情故事。

今年56歲嘅張曼玉如今成為無人不曉嘅國際影后，甚至係唔少戲壇新人嘅奮鬥目標，但一切未發生之前其實佢都係一位平凡少女，對演戲一竅不通，但佢喺演藝路上努力打拼，終於令佢徹底蛻變。

張曼玉出生於1964年9月20日，18歲嗰年偶然遇到星探，成為兼職模特兒。1983年參加《香港小姐》，當年青春少艾嘅佢憑住高人一等嘅顏值獲得亞軍同最上鏡小姐，自此踏足娛樂圈。而佢喺1984年上映嘅《緣份》擔演女主角，當時同張國榮、梅豔芳等人合作，仲獲得金像獎嘅最佳新演員提名。

1985年，張曼玉正式簽約嘉禾電影，同成龍合作拍攝《警察故事》，飾演陳家駒嘅女朋友阿美，但因為表情生硬，被成龍批評演技太差，「得個樣」，就連外界當時對佢嘅評價就係「除咗靚之外，冇咩值得一提」。確實，張曼玉初出道嘅演出多數係「花瓶」角色，即係清純俏皮嘅少女，演技甚少淨賣樣，令實力備受質疑，不斷被批評係虛有其表。

直至張曼玉出演王家衛嘅首部電影《旺角卡門》，佢嘗試褪去清純，努力擺脫過去美麗可愛嘅形象，演繹出少女「阿娥」嘅內心起伏，終於再獲肯定，提名金像獎「最佳女主角」。

自此，張曼玉嘅演藝生涯邁入新階段，唔少導演見到佢作為演員嘅潛質而願意畀機會，張曼玉亦珍惜每次出演，幾經雕琢後演技更為深入、更為動人。

後來，佢憑住《三個女人故事》嘅「李鳳嬌」、《阮玲玉》中嘅「阮玲玉」、《甜蜜蜜》嘅「李翹」等一次又一次向觀眾證明自己的實力，用出色嘅演技同獨特嘅氣質，將每個角色演繹得淋漓盡致，佳作不斷。

其中因為演出《花樣年華》嘅蘇麗珍，張曼玉呢個名終於喺國際影壇上傳開，仲獲得唔少殊榮。由本來由乜都唔識嘅天真美少女慢慢蛻變成人人認可嘅「影后」，成為芳華絕代嘅傳奇。

👍想跟小編分享生活提案的Whatsapp Group：

LifenewshHK吃喝玩樂推介😈
https://chat.whatsapp.com/Bbt5mYYkxdi6pGDe0pQBjw

香港好去處優惠推介😈
https://chat.whatsapp.com/KZHQduUSuf72JX6dLy5K52

親子讀書補習試卷教材分享區😈
https://chat.whatsapp.com/CGzSHHBNNF4979z5J1kKhF

優惠精選遊樂谷😈
https://chat.whatsapp.com/HYF0w6k4ckRGMSlpusrXbl

2021年媽媽會BB用品優惠😈
https://chat.whatsapp.com/HQJOvjo1QyxH4PqGF4Hreq

「小一2022/23直資私小學面試group 4 😈 (最受歡迎)：
https://chat.whatsapp.com/CRW62G56FL1J2uppXrqIdn

Staycation HK Hotel 香港酒店😈