【蛻變提案】【有一種蛻變，叫做行家品店！】

由男朋友變做老公，除咗個名、個身份唔同咗之外，

仲有好多嘢都唔同咗。

而最大嘅改變係，我變到好鍾意好鍾意行IKEA。

以前拍拖嘅時候，最鍾意去勻唔同嘅潮物店。

波鞋、潮T、牛仔褲，每樣都千千聲，

而且一係唔買，一買就同女朋友買情侶裝，

即係價錢都嚟個Double。

至於食嘢，我從來都唔會慳。

想食就會盡情去食放提食日本嘢，

因為覺得反正都有錢淨，所以就唔介意食好啲，

食得是福嘛，有得食係開心嘅。

不過，自從結咗婚之外，我成個人都唔同晒。

行潮店？千幾蚊一件T-Shirt，

不如去買一件50蚊嘅淨色Tee啦，

一次過買夠7件1個星期輪流換先係$350，

真係抵好多！

食貴嘢？難聽啲講句，

最後尾咪又係要屙出嚟，食幾百蚊同食幾十蚊其實唔係差好多，

真心不如儲低啲錢好過啦！

點解要儲低？因為我想啲錢用嚟去IKEA買嘢。

結咗婚有咗自己屋企之後，開始放低咗個人嘅意慾，

而整個心思都係放喺呢個同老婆一齊建立嘅家度。

行IKEA買梳化、買床、買廚具、買家品買乜都好，

喺呢度做嘅一切，都係為咗頭家。

而家我先明白，原來鍾意行家品店，

係一種蛻變，一種成長，

一種同老婆一齊嘅成長。

可能好多年紀比較輕嘅人會唔明我講咩，

我以前都唔明。

直到你遇到一個，你認為係人生最理想嘅對像，

你就會突然明白，IKEA係你嘅理想聖地。