【夏季水果】芒果原來護眼一流？ 6大食前迷思＋防敏貼士你要知
上月人人平價食台灣金鑽鳳梨，近期輪到當地嘅愛文芒當造，一切開聞落香甜又多汁，諗起都流晒口水！不過你又知唔知原來芒果可抑制動脈硬化、高血壓，仲有以下5大你不知道的事！
Q：食芒果原來可以護眼？仲有咩營養？
A：芒果營養成份幾高㗎！芒果含有豐富維他命A、ß-胡蘿蔔素，護眼一流；仲有維他命C含量都好高，是木瓜嘅1.5倍，甚至比香蕉、鳳梨高2倍同鉀，除咗可以防癌，仲可以抑制動脈硬化、高血壓，維持皮膚白嫩！
另外，芒果含維他命B6、B1、B2，均對人體神經有安定作用，暈車浪嗰陣食塊芒果乾就可舒緩症狀。如果夏天胃口唔好，食啲芒果可以增加食欲，仲有解渴、消暑、利尿。
但係最緊要記得唔可以食太多，因為短期內可能會有皮膚發黃嘅現象。
Q：芒果人人都啱食？
A：雖然話芒果營養高，但係其實以下人士少食為妙。
- 過敏體質者：如果吃了後嘴唇紅腫或起疹，只要多喝熱茶，症狀會慢慢消失，就可以再吃。少數嚴重者，症狀若持續沒好轉，應就醫檢測是否為蕁麻疹等過敏性疾病。
- 身上有傷口者：如果身體皮膚有傷口、發癢發疹、口角發炎、口內生瘡等要少食。
- 腎臟病患者：芒果屬低、中鉀食物，所以要酌量食用。
- 糖尿病患者：因為芒果果屬中GI水果（GI值55-70），食太多容易導致肥胖，糖尿病患者更應適量攝取，以免血糖過高。
Q：食芒果前後有咩唔食得？
A： 芒果始終容易引起過敏，所以唔可以同時進食以下食材：
- 酒芒果和酒都係辛辣食物，食太多對人嘅腎臟有害。
- 海鮮：同芒果兩者同時食唔容易消化，而且芒果同海鮮兩者都係易過敏食物，如果同食更容易過敏。
- 大蒜：芒果中含有果酸、氨基酸、蛋白質等，這些物質中含有刺激性物質比較多，如果刺激人體皮膚後，就會造成過敏，嚴重者會出現紅腫、疼痛現象。
- 鳳梨：吃鳳梨同時吃芒果容易引發過敏，因為芒果中含有單羥基苯或二羥基苯，未熟透的芒果仲含有醛酸，對皮膚黏膜有一定刺激作用，可引發口唇紅腫，又癢又痛，嚴重者仲會出現水皰同潰爛。
仲有仲有，食完飯唔好即刻就食芒果，因為飯後腸胃屬於高速運轉中，同時食芒果會加重腸胃負擔，引起身體不適。
Q：表皮生黑點要即刻掉？
A：台灣農業委員會早前有官方解釋，造成芒果果實黑點嘅病害主要有炭疽病同黑斑病，分別受特定病原真菌及細菌危害，所以會喺果實表面造成黑點。如果表面有輕微受損，其實切除黑點部位仍然可以食用，但如果明顯有變色變味嘅狀況，就應該要丟棄。
Q：最好食嘅芒果係邊隻？
A：唔同產地嘅芒果，都有唔同糖度嘅指標。例如泰國水仙芒糖度平均係15，台灣愛文芒就係16。日本宮崎太陽之子可達17-18。而最靚要數到柬埔寨白花芒，標準糖度是16，食一食真係會超標。糖度咁高，係同地理有關。因為柬埔寨係內陸盆地，日間陽光充足，夜間散熱較快，因為日夜溫差較大，芒果結糖量特高，連柬埔寨王室都會食，即晉身為該國貢品級芒果。
Q：點樣揀靚芒果？買完又要點保存？
A：揀芒果記得一外形要圓潤飽滿，二拎上手要夠墜手，三冇花皮，四冇斑點，五聞椗要有香味，咁就係靚芒果。
一般愛文芒買返嚟夠熟可立即食用，如果未熟就可以放到軟熟狀態有香氣即可食用，如果未能即時食用，要放喺雪櫃冷藏保存，以維持最佳保鮮狀態，不過最好盡快食，以品嘗到芒果嘅多汁甜肉嘛！
防敏小貼士你要知......
果皮記得洗乾淨！
成日聽長輩講芒果「毒」，就中醫理論睇，因芒果屬於「發物」，即係誘發身體過敏嘅食物。而引起過敏嘅物質，主要係芒果皮上嘅漆酚(urushiol)，所以只要注意食用前確實將外皮清洗乾淨，如果戴埋手套洗更可避免接觸到手部、臉部皮膚，大幅降低過敏。
以「削」代替「撕」！
切芒果用刀削代替手撕，去除果皮同果肉間嘅細毛，可以避免食芒果後發性，降低發炎同過敏程度。
Leave a Comment