【2021超特別暑假活動！】日清食品「合味道紀念館香港」登陸「中港城」！出前一丁工作坊初體驗！Demae Iccho Factory！
【超特別暑假活動！】日清食品「合味道紀念館香港」！出前一丁工作坊初體驗！
日清食品「合味道紀念館香港」開咗一段時間，該館位於尖沙咀嘅中港城！唔少朋友玩過都話好正，所以今次就去睇睇好唔好玩先！
呢個場館非常之大，佔地近10,000平方呎，有三個體驗工作坊，「我的合味道工作坊」和「出前一丁工作坊」將強勢回歸，而全球獨家限定的「榖物麥片工作坊 (My Granola Factory)」亦矚目登場！今次我哋去嘅係「出前一丁工作坊」！Abby一入到去「出前一丁工作坊」見到咁多新奇嘅製麵機器當然非常興奮啦！不過大家記住，小朋友如果唔夠110厘米高，係唔可以入去出前一丁工作坊架！
首先工作人員會為我哋量度體溫及清潔雙手，仲為我哋著上圍裙同埋戴上頭巾，確保製麵過程非常衞生。
戴上手套後我哋用手將麵粉搓成麵團，然後再靠切麵機將麵團反覆擠壓14次，製成麵布！攪動過程非常好玩，小朋友一定鍾意！
然後將長長嘅麵布放入切麵機，切成粗幼一致嘅長長曲曲嘅麵條！
工作人員將麵條放入模具砌成麵餅，反覆量度重量，把多餘部份剪去，再拿去蒸煮！
等候期間為自己的麵袋設計自己喜歡的圖案！
到了最精彩的環節！麵餅之所以可存放良久及有獨特的香味，就是用上瞬間油熱乾燥法！將麵條的水份逼走，減慢細菌滋生，易於存放！大家係隔住玻璃睇嘅，非常安全！
最後工作人員將炸好的麵餅放入包裝袋，大功告成！
Abby好鍾意自己同爹哋媽咪設計嘅包裝袋！
在熟悉的出前一丁包裝袋畫上自己喜愛嘅圖案，特別唔同！
場館裏仲有三大打卡位！
「逆向思維」反轉裝置：
係日清合味道杯麵生產過程中重要一環，如機器由上而下將麵餅放進杯裏，有機會放歪。如機器改由上而下將倒轉嘅杯蓋上麵餅再反轉，則確保麵餅可完美放入杯，減少出錯而要糾正嘅時間及成本，杯麵先可以加速生產！果然係逆向思維呀！
杯麵牆：
每個不同味道而設計與別不同的杯麵，砌成一塊牆，中間仲有杯麵橫切面嘅巨型立體模型，各位喺旁邊影相當堂好似入咗小人國咁！
清仔家族漫畫牆：
清仔家族化身成漫畫角色出現喺會場，咁靚嘅畫面一定要影番張全景相等朋友羨慕下。
三大工作坊需要預先網上購買門票，而紀念品售賣區則無需購票，大家可以盡情購物！
除咗各式各樣嘅紀念品，仲有好多非賣品供觀賞，大家唔好錯過呢個咁好嘅暑期活動啦！
為讓大家重溫於日本旅行期間品嚐各地拉麵的美味瞬間，紀念館獨家推出出前一丁日本當地系列限量套裝，全港初登場！套裝齊集6款來自日本不同縣府的拉麵口味，更包括全新推出的柚子胡椒豬骨湯味，讓大家一嚐久違了的日本滋味！同時，為慶祝出前一丁日本當地系列限量套裝的隆重登場，紀念館亦貼心策劃型爆舞台打卡位，歡迎大家和摯愛親朋一同登上舞台拍照留念，擺出饞嘴甫士，展現最為食的一面！立即前來紀念館參加經典工作坊，打卡影靚相，別忘了入手獨家限量套裝，為日式味覺之旅畫上圓滿的句號。
出前一丁日本當地系列限量套裝以非常可愛奪目的清仔環保袋包裝，享受美食之餘更方便大家外出購物循環使用，不但極具收藏價值，送禮更大方得體。套裝售價為港幣$60，獨家於「紀念館」發售，立即為自己及朋友送上一場日式風味巡遊！
限量套裝一套8包，包括：
- （全新！）柚子胡椒豬骨湯味–展現正宗的九州大分風味！
- 九州濃湯豬骨湯味–來一口經典的豬骨濃湯，重現當地拉麵的元祖美味。
- 黑蒜油豬骨湯味–帶領大家回想起熊本縣以濃香黑蒜油烹調的美食！
- 北海道味噌豬骨湯味–把札幌令人垂涎的味噌湯底直送到您的餐桌上。
- 東京醬油豬骨湯味–以特製的醬油烹調，把東京最完美的味道濃縮至此。
- 極辛豬骨濃湯味–源自福岡的美味，一眾辣迷必試！
- 出前一丁經典系列麻油味 x 2–專為出前一丁忠實粉絲而設的香港經典口味！
若果出前一丁工作坊太爆嘅話，都可以去「我的合味道工作坊」同埋「穀物麥片工作坊」，據聞呢兩個工作坊會用充氣袋裝住你哋個製成品，好有特色架！！！
活動詳情：
開館時間及收費：
開館時間
一、二、四、日： 上午11:15 -晚上 8:15
五、六、公眾假期：上午11:15 -晚上 9:15
三：休館日 (如星期三是公眾假期, 其後一天將會休館)
門票收費
尖沙咀中港城 2 樓 26-35 號舖
入場收費/人 (成人及小童同價)
入場收費/人 (成人及小童同價)
所有進入合味道紀念館內的顧客必須持有有效的工作坊門票。 (包括展覽區範圍)
每張門票只供一人進場。
我的合味道工作坊: HK$60 (30 分鐘)
出前一丁工作坊: HK$120 (90 分鐘)
穀物麥片工作坊: HK$60 (30 分鐘)
限制提示
我的合味道工作坊
* 三歲以下小童如有成人攜同 並不會佔用任何座位，即可免費入場
* 工作坊會準時開始，如參加者遲到超過15分鐘，將不得進入工作坊。
出前一丁工作坊
* 身高110cm以下人士不可入場
*活動須分組進行，參加「出前一丁工作坊」的訪客必須購買雙數數量的門票
*工作坊會準時開始，如參加者遲到超過10分鐘，將不得進入工作坊。
穀物麥片工作坊
*三歲以下之小童不可入場參與
*工作坊會準時開始，如參加者遲到超過15分鐘，將不得進入工作坊。
👍想跟小編分享生活提案的Whatsapp Group：
LifenewshHK吃喝玩樂推介😈
https://chat.whatsapp.com/Bbt5mYYkxdi6pGDe0pQBjw
香港好去處優惠推介😈
https://chat.whatsapp.com/KZHQduUSuf72JX6dLy5K52
親子讀書補習試卷教材分享區😈
https://chat.whatsapp.com/CGzSHHBNNF4979z5J1kKhF
優惠精選遊樂谷😈
https://chat.whatsapp.com/HYF0w6k4ckRGMSlpusrXbl
2021年媽媽會BB用品優惠😈
https://chat.whatsapp.com/HQJOvjo1QyxH4PqGF4Hreq
「小一2022/23直資私小學面試group 5😈」(最受歡迎！)：
https://chat.whatsapp.com/JdSVe0vjP8yK1VTfqTpDcR
Staycation HK Hotel 香港酒店😈
https://chat.whatsapp.com/BdKoDGGz2VAC0oiIy4dxmn
金手指投資增值財富致勝谷😈
https://chat.whatsapp.com/CpY5PWGSq891Kxht2Mq4m0
Leave a Comment