【信任生活】老豆，係一種以為自己全天下最醒嘅生物

 

唔知有冇人個老豆同我老豆一樣，都係「萬能」？咩叫萬能？即係問佢咩都識。小至1+1=2，大至核子反應堆字宙大爆炸，佢死都要插兩嘴。但代唔代表佢好叻？唔會，因為我知道佢講嘅嘢毫無根據。簡單啲講，條友係懶醒。

最好嘅懶醒例子，就係佢明明冇考水電牌，但每次啲電器一壞咗，佢都好似師父上身咁要整好啲電器。整唔係問題，但愈整愈壞嗰下難搞吖嘛大佬，放過啲電器啦，佢哋無辜㗎！

我：「算啦都用咗咁多年，整唔好㗎喇買過部啦。」

老豆：「信我啦我整多陣先啦，應該搞得掂。」

我：「買過部好啲嘅仲好啦，呢啲錢唔慳得！」

老豆：「呢個唔係錢嘅問題。而係作為一個男人，應該要搞得掂所有嘢。」

---

喺呢一刻，我好似明點解我老豆咁鍾意懶醒，原因係佢想話畀人聽，有多事佢可以自己一個搞掂。呀仔有嘢唔識要問？搞得掂。屋企電器壞咗？搞得掂。總之就係要Show一個無敵姿態出嚟，證明自己一個人可以搞掂晒成個屋企。

其實我想講，雖然有時見到你懶醒我會好炆，但我一直都相信一樣嘢，就係喺某啲位你係一個好叻嘅人。由細到大，都係你一個人照顧我同呀哥，一個男人養大兩個仔一啲都唔容易。而最難嘅係，喺嗰段咁艱難嘅時刻，我從來都冇見過佢喺我面前展露過疲態，一次都冇。所以，其實唔使喺我面前懶醒，因為我知道你有啲嘢好叻，叻到我呢一世都唔會學得到，就算點我都會好信任你。

---

我：「我買咗Miele部洗衣機喇。」

老豆：「吓？咪叫你畀時間我整囉？」

我：「整乜鬼吖，舊呢部功能又少又易壞。呢部洗衣機有得裝成8公斤嘅衫咁多，佢個蜂巢式滾筒仲可以令啲衫避免摩擦而有損壞，幾好用㗎！」

老豆：「咁壞咗我再整啦。」

我：「人哋點會咁易壞...再講，人哋有保養㗎嘛！」

故事講完。

雖然情節好感人，但我都要講一句，

唔好再懶醒喇，呢部新機我儲咗好耐錢買，唔該你唔好整壞佢。