【日常生活】 太過相信自己，其實只不過係想逃避現實

 

當年江華一句：「你知唔知你問題係咩？你就係太有自信！」

直到好多年之後，呢樣嘢都係好多人嘅問題。

有自信係Ok，但太自信就係自大，而自大嘅人，某程度上都係一個逃避現實嘅人。

舉個例子，如果一上磅，你發覺自己比起之前重咗10KG，你第一個反應係咩？

當然就係，「唉！重咗好多𠻹！」

但我朋友呀明唔會咁答。

以佢呢個咁自信嘅人嚟講，

第一句一定會話「超，個磅壞咗！我咁Fit點會肥咗咁多？」

佢表面上睇嚟係好自信，信自己都唔信科技，

但事實上佢都只係唔敢面對自己，

逃避緊事實嘅真相。

我知㗎，睇到呢度嘅你一定會話，

哼我先冇咁自大呀，邊有人信自己唔信部機咁低能！

真係咩？你諗真啲，有冇試過相信自己，質疑機器？

---

女朋友望住部我部手機：「喂，你識唔識影相㗎...？」

我：「咪就係撳個掣囉...有咩咁難？」

女朋友：「你角度錯晒呀咪影到我肥晒囉！你由呢個角度再幫我影一張！」

我再影。

女朋友望一望：「嗯。你影相冇問題。肯定係你部手機個鏡頭有事先影到我咁肥。」

我：「下...我呢部Galaxy S21 Ultra 5G嚟喎！佢用咗方廓鏡頭設計，同步捕捉影院級8K影片同拍出最靚嘅相，再加埋Galaxy最高效晶片，咁都係我部手機有事...？」

女朋友：「得啦，你以後唔好信我囉，信部手機囉。手機冇事我最醜我最肥囉！」

嗯......女人。

寧願信自己對眼，始終都係唔信自己會肥。

最後都係要逃避現實。

---

一句到尾，做任何事，都要衡量多角度嘅意見。

到底係自己啱，定係自己太有自信？

千祈唔好做一個淨係識聽自己意見，唔理現實嘅人呀！