【信任生活】 《因為相信愛情，所以決定離婚？》

 

有人會覺得，連Bill Gate同Melinda都離婚，就更加代表咗愛情係唔可信。

但我就覺得，就係因為佢哋相信愛情，所以先會離婚。

此話何解呢？

其實都結咗婚27年，佢哋大可以好似之前咁，咩都唔變繼續生活。

反正佢哋有錢，得閒咪繼續打下高爾夫，投資下唔同生意，根本唔需要離婚。

但就係因為佢哋相信愛情，追求更好嘅愛情結果，所以先決定分開。

於我而言，對於婚姻乜都唔理，得過且過，

格硬話「愛情」變咗做「親情」，先係真正嘅愛情死亡，而咁嘅「愛」先唔可信。

另外，大家可以睇下佢哋嘅年紀。

Bill Gate 1955年出世65歲，Melinda1964年出世57歲。

難聽啲講句，兩個人都半隻腳入咗棺材，做咩仲要離婚搞咁多嘢？

就係因為佢哋相信愛情，亦都知道愛情唔可以係咁，

唔理想嘅愛情一日都唔可以忍受，所以決定離婚。

有時分開，係相信愛情嘅表現。

順便想喺度安慰下唔想再相信愛情嘅你。

強如曾經嘅世界首富都要離婚，我哋作為普通人又點會避到愛情失敗呢？

只係想同你講，唔好因為一次失敗就失去信任。

努力相信愛，先可以有好結愛情結果。