【酒店終結者！5類酒店Staycation大西人一覽】投訴搲著數、冇手尾嘅派對動物......仲有超級污糟...

多人去Staycation，自然就有多花生食。香港 Staycation 酒店交流谷最近就轉而討論「西客」，今日一於同大家講下五大酒店西客行為，大家以後就要小心啲唔好犯同樣嘅錯誤喇！

1.投訴搲著數

其實如果本身酒店有做得唔好，投訴都係無可厚非。問題係西客會投訴一啲好不可理喻嘅嘢，然後搲著數搲Upgrade。例如最離譜嘅係佢哋會投訴送餐服務食物貴、投訴點解餐廳咁多人、投訴點解住多晚唔可以俾個優惠會員價佢等等，真係令人十分討厭。

2.冇手尾嘅派對動物

約埋班朋友仔去酒店Staycation開Party好正常，但最令人討厭嘅係整到間房超級污糟同亂！例如整到成間房都有蛋糕Cream，又或者一地都係佈置物，真係執到啲員工叫苦連天呀！

3.早Check In、遲Check Out

明明講到明3點先可以Check In，偏偏一早到咗問人哋點解仲未入得。去到要Check Out嘅時候，就話小朋友要瞓晏教點解唔可以等多陣先Check Out！唔跟規矩然後話人哋政策有問題嘅人都係超級乞人憎！

4.叫你經理出嚟

好多時其實酒店嘅Staff已經好努力解決緊問題，但係西客時間都唔畀就會直接叫人經理出嚟，搞到員工們不知幾大壓力。不過其實咁樣，經理出到嚟做到嘅嘢都係一樣，叫佢出嚟係冇用㗎！

5.Speak in English

明明聽到佢同自己朋友係講中文，但係一要投訴嘅時候，無啦啦轉個Tone講英文！即係咁，你嘅理據並唔會因為你講第二種語言而強咗！阿鬼，你都係講返中文啦！

你又有冇遇過乜嘢不公嘅經歷，又或者想投訴下？一齊Comment / 或inbox我哋投稿分享下啦！

資料來源：香港 Staycation 酒店交流谷

-----------------------------------------------------------------------------------------------------

👍Lifenewshk編輯私心推介Whatsapp Group！

LifenewshHK吃喝玩樂推介😈
https://chat.whatsapp.com/Bbt5mYYkxdi6pGDe0pQBjw

香港好去處優惠推介😈
https://chat.whatsapp.com/KZHQduUSuf72JX6dLy5K52