【娛樂生活】5大運動員明星！Alton原來大有來頭？

 

年代唔同喇，當大家都唔會再講自己鍾意四大天王，而係鍾意Mirror、Error嘅時候，你都應該要知道原來香港嘅運動員明星唔止得方力申一個，仲有更多你未必知道嘅運動健將，話唔定，第時佢哋都可以藉住明星身份，推廣香港運動文化，重振體壇㖭！

陳卓賢

相信有睇《男排女將》嘅人都知道，其實Ian係香港男子排球代表隊兼南華排球隊甲一隊員。喺劇入面，Ian每次都係親身上陣，每一球每一個姿勢都有板有眼。講多個秘密你哋知，雖然Ian喺劇入面係一個「大錘」（主攻手），但其實Ian喺現實中係做setter（二傳手）㗎！所以佢為咗套劇都花咗唔少時間練波，真係抵讚！

截圖來源：Ian Chan Instagram (@iancychan)

王智德

喺Mirror入面，仲有另一位曾經都有運動員身份嘅成員，就係金句王Alton喇！原來Alton當年參加《全民造星》海選之前一日，仲參加咗健美先生比賽。佢曾經都係一位健身教練，仲考咗好多牌旁身，包括田徑教練牌同體適能教練牌，果然係「周身刀」呀！難怪佢個人經常咁有活力同身型咁靚啦！

截圖來源：Alton Wong Instagram (@altonwongz)

鄧麗欣

喺《男排女將》入面，除左Ian，仲有Stephy都曾經係港隊成員，佢中一開始就打排球，後來仲被選中入港青隊。當年Stephy原來要喺代表香港出戰海外賽同一個護膚品廣告之間做選擇，但係Stephy最終就揀咗拍廣告，佢事後都覺得好對唔住隊友，不過唔緊要喇，而家Stephy都有借住明星嘅身份推廣排球文化，仲自立咗隊排球隊，都算係對排球界有所貢獻！

截圖來源：Stephy Tang Instagram (@stboo)

何雁詩

講到何雁詩，可能你只係知道佢歌手同鄭太嘅身份，但其實佢曾經都係一位代表香港出賽嘅高爾夫球隊運動員嚟㗎。佢自少就接受高爾夫球訓練，仲曾經帶著呢個身份上咗某外國雜誌封面！雖然做咗歌手之後都接觸少咗高爾夫球，但佢平時都有keep住行山同健身，始終改唔到運動員嘅本性，難怪佢睇落咁有朝氣啦！

截圖來源：Stephanie Ho Instagram (@honganc)

余德丞

講到香港飛魚王子，可能你只係諗到方力申，但其實仲有余德丞呢位小鮮肉㗎！佢除左係電視台藝人之外，仲係前香港游泳代表隊成員，亦都因為呢個身份，佢初初入行嗰陣就可以拍住前輩，主持多個體育節目，例如有喺《里約奧運會》擔任外景主持，其後再加入劇組拍劇，漸漸等大家更熟悉佢！

截圖來源：Dickson Yu Instagram (@yuduck)