【大學生活】小編精選5間最靚大學

 

DSE已經開始左，同學仔溫書溫得咁攰，都係為左爭取好成績，入心儀嘅大學。讀書咁辛苦，如果可以喺間環境優美嘅大學度讀書，落左堂行出去欣賞吓自己校園，唔單止可以減壓，仲可以更有動力令自己返學，直情落左堂都唔想走啊！今次小編就搵左5間最靚嘅大學介紹比大家！

1. 莫斯科國立大學

喺史太林時期，蘇聯為左彰顯國力，大興土木起左七棟摩天大樓，而莫斯科國立大學嘅主樓就係其中一棟亦都係七棟入面最高。大學嘅前後都比茂盛嘅樹木包圍住，又有唔同嘅鮮花去點綴呢個環境咁優美嘅校園，仲要被譽為世界上最高大學，難怪被稱為俄羅斯明日太陽升起嘅地方。

圖片來源：https://www.msu.ru/ch

2. 真理大學

真理大學位於台灣淡水，喺紅毛城同淡水高爾夫球場附近，可以望到淡水河出海口之餘，仲可以望到觀音山。真理大學嘅地理位置極佳，被山水環抱，環境清幽，絕對係讀書嘅好地方。周杰倫主演嘅《不能說的秘密》都係喺真理大學拍架！

圖片來源：https://www.au.edu.tw

3. 史丹福大學

史丹福大學位於美國帕羅奧圖市，係加州鐵路大王為左紀念自己染病去世嘅愛子而建立。校園入面到處都係紅屋頂建築物同現代雕塑，校園環境充斥住現代文化氣息，同時又帶有古典風味，極度特別。

圖片來源：https://www.stanford.edu/about/

4. 延世大學

延世大學於1885年由美國傳教士成立，主建築被長春籐纏繞，春天嘅時候仲可以見到喺學校嘅內步道種植嘅櫻花樹盛開，美麗至極。到左秋天，校園楓葉飄落，仲有銀杏作點綴，大學情侶一齊步行喺延世大學校園一定好浪漫！

圖片來源：https://www.ginskoreabroad.com/university/yonseiuniversity

5. 聖地牙哥大學

聖地牙哥大學係位於美國加利福尼亞州。聖地牙哥本身就係一個充滿西班牙風情同好適合渡假嘅地方，位處聖地牙哥嘅聖地牙哥大學又點會差呢？校園內嘅嘅建築物偏現代風格而且帶有歐洲色彩，係個既浪漫又令人心曠神怡嘅地方。

圖片來源：https://www.commonapp.org/explore/university-san-diego

以上就係五間小編精心挑選嘅最靚大學，五間大學各有特色同風情，如果小編有幸可以喺以上提及嘅大學上堂一定好有動力讀書！